Samarqandda “Meva-sabzavot mahsuloti eksportini kengaytirish va raqobatni rivojlantirish” mavzusidagi mintaqaviy forum o‘z ishini boshladi

Samarqand shahrida Davlat raqobat qo‘mitasi tomonidan Samarqand viloyati hokimligi va xalqaro tashkilotlar bilan hamkorlikda tashkillashtirilgan “Meva-sabzavot mahsuloti eksportini kengaytirish va raqobatni rivojlantirish” mavzusidagi mintaqaviy forum o‘z ishini boshladi. Bu haqda “Daryo”ga qo‘mita axborot xizmati ma’lum qildi. 

Foto: Davlat raqobat qo‘mitasi axborot xizmati

O‘zbekistonda meva-sabzavot mahsulotlari yetishtiruvchilar salohiyatini xorijiy xaridorlar uchun ochib berish, mahalliy mahsulotni eksport qilish borasidagi o‘zaro aloqalarni o‘rnatishga ko‘maklashish mazkur xalqaro tadbirni o‘tkazishdan ko‘zlangan asosiy maqsad bo‘ldi. 
Forumda xorijiy va mahalliy kompaniyalarning ikki yuzdan ortiq vakillari ishtirok etmoqda.
Mintaqaviy forum mahalliy korxonalarning jaxon bozorida raqobatbardoshligini oshirish yo‘li orqali mamlakatda sog‘lom raqobat muhitini yanada rivojlantirishga yordam berishi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo