Braziliyada prezident Temer taklif etgan islohotlarga qarshi umummilliy ish tashlash boshlandi

Braziliyada mamlakat prezidenti Mishel Temer tomonidan taklif etilgan pensiya tizimi va mehnat qonunchiligi islohotlarini bekor qilish talab etilayotgan umummilliy ish tashlash boshlandi. Bu haqda “TASS” xabar bermoqda . 

Foto: Globo

Aksiyada transport, neftni qayta ishlash sanoati, maktab va bank ishchi-xodimlari ishtirok etmoqda. Ish tashlash doirasida kasaba uyushmalari va jamoatchilik harakatlari Braziliyaning 26 shtatidan 24 tasida va poytaxtda hukumatga qarshi namoyishlar o‘tkazmoqda. 
Braziliya parlamentining quyi palatasi 27-aprel, payshanba kuni mehnat qonunchiligi islohotlari loyihasini ma’qulladi. Hujjatda, jumladan, kasaba uyushmalari ta’minoti uchun majburiy soliqni bekor qilish, tushlik uchun tanaffusni bir soatdan yarim soatga qisqartirish, 13-maoshni bir yo‘la emas, qismlarga bo‘lib to‘lashga ruxsat berish ko‘zda tutilgan. 
Shuningdek, parlament pensiyaga chiqish yoshini erkaklar uchun 65, ayollar uchun esa 62 yosh etib belgilash bo‘yicha tashabbusni ham ko‘rib chiqmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo