13-may kuni “Mo‘jizalar vaqti” 16-xayriya yarmarkasi bo‘lib o‘tadi

2017-yilning 13-may kuni Hotel City Palace mehmonxonasida “Mo‘jizalar vaqti” 16-xayriya yarmarkasi bo‘lib o‘tadi. Yarmarkada imkoniyati cheklangan bolalarning ijodiy ishlari namoyish etiladi. Bu haqda Nelli Karimova “Daryo”ga ma’lum qildi.

Foto: “Anons.uz”

Yarmarka tashrif buyuruvchilar uchun 10:00 dan 16:00 ga qadar ochiq bo‘ladi.
Yarmarkada imkoniyati cheklangan bolalar farovonligiga qaratilgan kompleks dasturlarni amalga oshirayotgan 25 dan ortiq tashkilot: bolalar uyi, ixtisoslashtirilgan maktablar va internatlar hamda jamoatchilik tashkilotlari ishtirok etadi.
Xayriya yarmarkasida 1 500 dan ortiq qo‘lda ishlangan buyum: kartinalar, otkritkalar, yumshoq o‘yinchoqlar, zardo‘zlik buyumlari, biserdan ishlangan buyumlar, applikatsiyalar, taqinchoqlar va boshqa ko‘plab buyumlar namoyish etiladi.
Ko‘rgazma davomida professional artistlar bolalar uchun chiqish qiladi, shuningdek, ular uchun qiziqarli shou-dastur tayyorlanadi.
Xayriya ko‘rgazmasidan tushgan barcha mablag‘lar bolalarning ijodiy qobiliyatlarini rivojlantirishdagi ishlarni davom ettirish uchun ishtirokchi tashkilotlarga taqdim etiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo