Ichki ishlar vaziri: Rahmat Oqilov O‘zbekistondan chiqib ketishidan oldin uning hech qanday g‘ayriqonuniy faoliyati kuzatilmagan

Xalqaro press-klubning 2-mayda bo‘lib o‘tgan yig‘ilishida ishtirok etgan O‘zbekiston ichki ishlar vaziri Abdusalom Azizov xorijiy mamlakatlarda yuz bergan teraktlarda gumonlangan O‘zbekiston fuqarolari haqidagi savollarga javob berdi.

Foto: “Daryo” / Madina Nurman

Vazirning qayd etishicha, Turkiyaning Istanbul shahrida tungi klubga hujum qilgan Abdulqodir Masharipov va Shvetsiyaning Stokgolm shahrida yuz bergan terakt ijrochisi deb topilgan Rahmat Oqilov o‘z vaqtida O‘zbekiston ichki ishlar va milliy xavfsizlik organlari tomonidan xalqaro qidiruvga berilgan.
Rahmat Oqilov u yerga ketguniga qadar oddiy fuqaro bo‘lgan, uning hech qanday g‘ayriqonuniy faoliyati kuzatilmagan. Biroq xorijga chiqqach u terroristik guruhlarning targ‘ibotiga uchgan. Unga nisbatan xalqaro qidiruv e’lon qilingan.
Abdusalom Azizov, O‘zbekiston Respublikasi ichki ishlar vaziri, general-mayor
Ichki ishlar vaziri yaqin vaqt ichida xalqaro qidiruvda bo‘lgan shaxslarning suratlarini ijtimoiy tarmoqlarga joylashtirish orqali ommani ogohlikka chaqirish rejalashtirilayotganini qo‘shimcha qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo