Mirjalol Qosimov Sergey Lushchan o‘rniga “Bunyodkor” bosh murabbiyi etib tayinlandi

Toshkentning “Bunyodkor” klubini Mirjalol Qosimov boshqaradi. Klub matbuot xizmatining “Daryo”ga ma’lum qilishicha, Qosimov futbolchilarga tanishtirib bo‘lingan.

Foto: “Stadion.uz”

11:30 da Mirjalol Qosimov bilan matbuot anjumani o‘tkazilishi rejalashtirilgan. Sergey Lushchan esa katta ehtimol bilan faoliyatini “Bunyodkor” akademiyasida davom ettirishi mumkin.
Ma’lumot uchun, “Bunyodkor” o‘zining eng katta muvaffaqiyatlariga aynan Qosimov bilan erishgandi. U klubni 2010, 2011 va 2013-yilgi mavsumlarda mamlakat chempioniga aylantirdi. 2010, 2012 va 2013-yilgi mavsumlarda O‘zbekiston kubogida zafar quchdi.
2008 va 2012-yilgi mavsumlarda “Bunyodkor” Mirjalol Qosimov bilan Osiyo Chempionlar ligasining yarim finaliga qadar yetib bordi.
Endilikdagi sobiq bosh murabbiy Sergey Lushchan ketma-ket uch mavsumning ikkitasida “Bunyodkor”ni 4-o‘ringa tushirib yubordi, birida kumush medalga ega chiqdi. Lushchanga qadar “qaldirg‘ochlar” hech qachon 2-o‘rindan pastga tushmagandi.
Chempionlar ligasining guruh bosqichida “Bunyodkor” ketma-ket 16 bor g‘olib chiqa olmadi. Bu klub tarixidagi eng sharmandali davr bo‘lgandi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo