Makkadagi al-Haram masjidi kelgusi Ramazon oyida to‘liq tiklanib, hozirgidan to‘rt barobar ko‘p ziyoratchini o‘z ichiga olishi ma’lum qilindi

Makkadagi al-Haram masjidi kelgusi Ramazon oyida – 2016-yil iyunida to‘liq tiklanadi va 4 million nafar dindorni o‘z ichiga sig‘dira oladi. Bu haqda Rossiya muftiylar kengashi raisining birinchi o‘rinbosari Ravshan Abbosov ma’lum qildi, deya xabar berdi “RIA Novosti”.

Foto: AFP

“Mamlakatimizda bir hafta davomida mehmon bo‘lgan al-Haram masjidi imomi shayx Mohir al-Muayqali avval 1 million kishini sig‘dirgan masjidda endi 4 million dindor ibodat qilishi mumkinligi xabari bilan bizni quvontirdi. Kelgusi Ramazon oyida, taxminan iyunda masjiddagi ta’mirlash ishlari butkul oxiriga yetadi”, — deya ta’kidlagan Abbosov.
Mazkur dargohdagi ta’mirlash ishlari tufayli Saudiya rasmiylari boshqa mamlakatlardan haj ziyoratiga otlanganlar sonini cheklab kelayotgan edi. Ravshan Abbosovning aytishicha, “kelgusida Madinada joylashgan Payg‘ambar masjidi ham kengaytiriladi va u yerga hozirgidan bir necha barobar ko‘p ziyoratchi qabul qilish mumkin bo‘ladi”.
Batafsil | Подробно | Read more... Daryo