Muvaffaqiyat tarixi: Qirg‘izistonlik ofitsiant qiz qanday qilib Forbes ro‘yxatiga kirgan?

Nyu-Yorkdagi Shoptiques kompaniyasining asoschisi, 30 yoshli Olga Vidishcheva 2003-yilda 17 yoshida Qirg‘izistondan AQShga ko‘chib borgan. U dastlab yapon restoraniga ofitsiant sifatida ishga kirgan. Hozirgi vaqtga kelib Olga Forbes’ning 30 yoshgacha bo‘lgan muvaffaqiyatli biznesmenlar reytingiga kirgan. Forum Daily uning muvaffaqiyati tarixiga e’tibor qaratdi .

Foto: Forum Daily

Olga AQShga borgan vaqtda umuman ingliz tilini bilmagan. U yarim yildan so‘ng TOEFL imtihoniga tayyorlanishni boshlagan. Restoranda uch oy ishlab topgan to‘rt ming dollarni o‘qish uchun sarflagan.
Ikkinchi yilda u Uellsli kollejida o‘qigan va bir vaqtning o‘zida model sifatida ishlagan. U iqtisodiyot va matematika sohasida diplomga ega bo‘lgach, Goldman Sachs kompaniyasida investitsiya tahlilchisi sifatida ishlagan.
Keyinchalik u Garvard biznes maktabida biznes boshqaruvi bo‘yicha o‘qigan. 2009-yilda Olga internetda topib bo‘lmaydigan butiklarning buyumlarini sotish bo‘yicha loyiha ustida ishlay boshlagan.
2011-yilga kelib Olga o‘z loyihasini amalga oshirishga muvaffaq bo‘lgan. U hamma joyda ham topib bo‘lmaydigan buyumlarni sotuvchi saytni ishga tushirgan.

Foto: Forum Daily

2013-yilda Shoptiques’ning daromadlari 300 ming dollarni, 2014-yilda esa uch million dollarni tashkil qilgan. 2015-yilda Shoptiques 20 million dollar ishlab topishni rejalashtirgan, biroq kompaniya investorlarining talabi bilan 2016-yildan boshlab Olga kompaniyaning moliyaviy ko‘rsatkichlarini e’lon qilmay qo‘ygan. Sayt ayollar buyumlari va uy uchun jihozlar sotadi.
To‘rt yilda saytda o‘z buyumlarini sotuvchi butiklar soni Nyu-York va Bostondagi 25 tadan 12 ta mamlaktdagi besh mingtaga oshdi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo