AQSh chegarasini noqonuniy kesib o‘tayotgan meksikalik immigrantlar ommaviy ravishda halok bo‘lmoqda

Borgan sari Amerikaning Texasdagi Meksika bilan chegara qismidan muhojirlar jasadi ko‘proq topilmoqda. 2009-yilda bitta okrugning o‘zida 500 nafar muhojirning jasadi va qoldiqlari topilgan, deb xabar berdi “Forum Daily”.

Foto: “Nytimes.com”

Texasda halok bo‘lgan noqonuniy muhojirlar bojxona nazoratini aylanib o‘tish maqsadida mahalliy past-balandliklar orqali chegarani kesib o‘tgan. Ularning aksariyati suvsizlikdan, issiqlik urishi yoki gipotermiyadan halok bo‘lgan.
Jasadlar yoki qoldiqlar topilgach, keyinchalik kuzatish va imkoniyat doirasida identifikatsiya qilish uchun ular raqamlab chiqiladi.

Foto: Texas State University

“Bundan maqsad ularning kimligini aniqlash va o‘z ismlarini qaytarib berish”, — dedi jasadlarni identifikatsiya qilish bo‘yicha sud antropologi Timoti Gocha.
So‘nggi yillarda Texasdagi chegarani kesib o‘tishda yuzlab immigrantlar halok bo‘ldi. Yana yuzlab muhojirlar Meksika bilan chegaradosh boshqa uchta shtatda — Arizona, Kaliforniya va Nyu-Mexikoda halok bo‘lgan.
2014-yili rasmiylar Janubiy Texasdagi rancholarning biridan 9 ta, boshqasidan 17 ta, uchinchisidan 31 ta chirib ketgan jasadni topgan.
Statistikaga ko‘ra, 2017-yilning dastlabki oylarida topilgan jasadlar soni butun 2010-yil davomida topilganlarga deyarli teng.
Muhojirlar jasadi kalxatlar, yovvoyi to‘ng‘iz va boshqa hayvonlar tufayli maydalab tashlangan.

Foto: Depositphotos

Ba’zida immigrantlar tabiatga qarshi kurasha olmay, suvsizlikdan va sillasi quriganidan o‘zlarini hibsga olib, uylariga qaytarib yuborishlari uchun 911 ga qo‘ng‘iroq qilishga harakat qiladi. Bu omon qolishning yagona yo‘li desa ham bo‘ladi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo