AIBA prezidenti: O‘zbekiston Jahon chempionati mezbonligini istasa, uni birinchilardan bo‘lib ko‘rib chiqamiz

Toshkent mezbonlik qilgan boks bo‘yicha Osiyo chempionatiga Butunjahon boks uyushmasi prezidenti doktor Ching Kuo Vu ham tashrif buyurdi. O‘zbekiston terma jamoasining katta ustunligida o‘tgan qit’a chempionatidan keyin doktor Vu UzReport telekanali sharhlovchisi Davron Fayziyevga eksklyuziv intervyu berdi.

Foto: Youtube

Ma’lumki, Uzbek Tigers jamoasi ishtirok etayotgan WSB turniri boks muxlislarida katta qiziqish uyg‘otdi. O‘zbekistonliklar unda o‘tgan yildan buyon ishtirok etishni boshlab, ilk urinishda yarim finalga qadar yetib bordi. Bu safar esa Uzbek Tigers chorak finalda turibdi. Aslida esa WSB g‘oyasi 2010-yildayoq ishlab chiqilgandi.
Jahon boks seriyasi g‘oyasini 2010-yilda ilgari surgandim. Boks yakkakurashdan iborat. Bizni qiziqtirgan holat esa uni jamoaviy ko‘rinishda ham sinab ko‘rish edi. Bunday tajriba hali boksda qo‘llanilmagandi.
Meni xursand qilgan tomoni shundaki, ko‘plab federatsiyalar bu g‘oyani katta qiziqish bilan qabul qildi. Turnir birinchi mavsumidayoq juda yuqori saviyada tashkil etildi.
Hozir jamoalar asosiy kuchni chorak final va yarim finalga yig‘ib kelyapti. Jamoaviy taktika bir necha oylarga mo‘ljallab tuzib chiqilyapti. Bu esa turnir asoschisi sifatida meni xursand qiladi.
Musobaqa hali rivojlanadi va ishtirokchilar soni albatta oshadi. Chunki WSB bokschilarni professional ringga tayyorlaydi. Ularning jismoniy holatini kuchaytiradi. Sizga bir misol aytaman, Rio Olimpiadasida oltin olgan 10 ta sportchidan 7 tasi aynan WSB ishtirokchisi hisoblanadi.
Ching Kuo Vu, AIBA prezidenti
O‘zbekiston boksi uchun 2016-yil juda omadli keldi. Mamlakat sportchilari Olimpiadada eng yuqori natijasini qayd etdi, Toshkent WSB finaliga mezbonlik qildi, O‘BF prezidenti Sherzod Tashmatov Osiyo boks konfederatsiyasi vitse-prezidenti va AIBA ijroqo‘mi a’zosi bo‘ldi, Xasanboy Dusmatov esa yil bokschisi sifatida tan olindi.

Foto: “Ria Novosti”

O‘zbekiston boksidagi bu yutuqlar juda katta harakatlar natijasidir. Men yaxshi bilamanki, sizlarda sportga hukumat darajasida e’tibor qaratiladi. Bu esa eng asosiysi. Davlat rahbarlarining qo‘llab-quvvatlashi jamoani har tomonlama ruhlantiradi.
Muvaffaqiyatning yana bir siri — boks federatsiyasining oxirgi yillardagi faolligi. Sherzod Tashmatov menda iliq taassurot uyg‘otgan. Uning bu yo‘ldagi mehnatini jahon boksida hamma ko‘rib turibti. O‘zbekiston boksida norasmiy shiorga aylangan “barcha narsada eng yaxshisiga intilish” — yaxshi jihat. Natijada qisqa fursat ichida yurtingizda Osiyo chempionati, WSB kabi turnirlar, AIBA tadbirlari yuqori saviyada o‘tkazildi.
Eng muhimi, federatsiya bu bilan to‘xtab qolayotgani yo‘q. AIBA buni qadrlaydi va O‘zbekistonni o‘zining eng yaqin hamkorlaridan biri deb biladi.
Ching Kuo Vu, AIBA prezidenti

Foto: Boxing.uz

Osiyo chempionatini muvaffaqiyatli o‘tkaza olgan O‘zbekiston boks bo‘yicha Jahon chempionatiga ham da’vogarlik qilishi ham mumkinmi, deb so‘radi intervyu davomida Davron Fayziyev.
AIBA mundial mezbonini tanlashda katta turnirlar tajribasiga ega bo‘lgan mamlakatlarga e’tibor qiladi. Chunki bu AIBAning eng muhim musobaqasi. Jahon chempionatini o‘tkazish niyatini odatda ko‘plab federatsiyalar bildiradi va biz ularning eng munosiblarinigina ko‘rib chiqamiz.
Keyingi mundiallardan birini qabul qilish uchun O‘zbekiston yetakchi da’vogarlardan biri. Agar federatsiyangiz bizga shunday taklif bilan chiqsa, biz uni birinchilar qatorida ko‘rib chiqamiz. Chunki hozir o‘zaro ishonchimiz yuqori darajada.
Ching Kuo Vu, AIBA prezidenti

Cuba Domadores’ga qarshi Osiyo chempionatida finalga chiqa olmagan Sanjar Tursunov jang qiladi

Intervyuning to‘liq qismi



“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo