OAV Apple kompaniyasining iPhone 8’ni ishlab chiqarishdagi muammosi haqida ma’lum qildi

Apple kompaniyasi iPhone 8’ni ommaviy ishlab chiqarishni 2017-yilning oktabr oyidan noyabr oyiga ko‘chirishi mumkin. Bu haqda KGI Securities xalqaro tahliliy kompaniya mutaxassisi Min-Chi Kuo ma’lum qildi, deb xabar berdi “RBK”.

Foto: Appleinsider

Mutaxassisning investorlarga yuborgan xatida sanoat bo‘limi iPhone uchun qismlar yetkazib berishda “yomon ssenariy” alomatlarini ko‘rsatayotgani sabab, iPhone 8’ni ishlab chiqarish jarayoni ikki-uch oyga cho‘zilishi mumkinligini yozgan.
“Boshqacha aytganda buyurtmalarni yetkazib berishdagi jiddiy tanqislik yangi model chiqarila boshlagandan keyin ham biroz vaqt saqlanib qolib, yangi iPhone’larning katta hajmda yetkazilishini cheklashi mumkin”, — deya yozilgan xatda.
Apple 2017-yilda yangi OLED ekranli iPhone va iPhone 7’ning yangilangan versiyasini taqdim etishi taxmin qilinmoqda.
Min-Chi Kuo yangi iPhone’ni ommaviy ishlab chiqarishga nima muammo tug‘dirishi mumkinligi haqida aytmadi. Appleinsider’ning ta’kidlashicha, Apple’ning hamkori — Samsung iPhone 8 ekrani uchun OLED-panellarini ishlab chiqarish vaqtida qiyinchilikka duch kelgan. Svetodiodli panellarni ishlab chiqarish ham ikki-uch oyga kechikishi mumkin.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo