Euronews telekanalida Samarqand haqida videoreportaj efirga uzatila boshladi (video)

Joriy yilning 20-oktabridan Euronews telekanalida Uzbekistan Life axborot dasturi doirasida Buyuk ipak yo‘li merosi va afsonaviy Samarqand shahri haqidagi videoreportaj efirga chiqdi, deya xabar bermoqda “12news”.

Skrinshot: YouTube

U telekanalda 25-oktabrga qadar efirga uzatiladi. Noyabrda esa tomoshabinlar Uzbekistan Life siklidagi yangi videoreportajni ko‘rishi mumkin bo‘ladi, unda Buxoro va uning boy hunarmandchilik merosi bilan tanishish mumkin.
Avvalroq 5—14-oktabr kunlari Euronews telekanalining suratga olish guruhi Uzbekistan Life dasturi uchun O‘zbekistonning tarixiy shaharlari – Samarqand, Buxoro va Termiz haqida uchta ko‘rsatuv tayyorlash maqsadida O‘zbekistonga kelishi haqida xabar berilgan edi .
Eslatib o‘tamiz, Euronews telekanalida sentabr oyidan boshlab Samarqand, Buxoro va Xiva tarixiy yodgorliklari aks etgan 30 soniyalik reklama roligi namoyish etila boshlandi .  Le Mag ruknida esa Samarqandda bo‘lib o‘tgan “Sharq taronalari” xalqaro festivali haqidagi reportaj uzatildi .




Batafsil | Подробно | Read more... Daryo