Toshkentdagi pasport stollarida may oyining oxirigacha elektron navbat yo‘lga qo‘yiladi

Toshkent shahar IIBB migratsiya va fuqarolikni rasmiylashtirish boshqarmasi tarkibiy bo‘limlarida may oyining oxirigacha elektron navbat yo‘lga qo‘yiladi. Elektron navbat tizimi Yagona interaktiv davlat xizmatlari portalida ishga tushiriladi. Bu haqda “Elektron hukumat” tizimini rivojlantirish markazi rahbari Sherzod Habibullayevga tayanib, “Gazeta.uz” xabar berdi .
Xabar berilishicha, hozirgi vaqtda xizmat sinovdan o‘tkazilmoqda. Tizim to‘liq tayyor, faqat yuzaga kelishi mumkin bo‘lgan xato va kamchiliklarni aniqlash maqsadida sinov muddati yakunlanishi kerak.
Markaz rahbarining ma’lum qilishicha, hozirgi vaqtda xizmat uchun to‘lovlarni internet orqali amalga oshirish va fuqarolarning belgilangan vaqtda aniq bir xonaga kelishi uchun elektron to‘lovlarni kiritish ustida ish bormoqda.
Toshkentda ma’qullanganidan so‘ng pasportni va fuqarolikni rasmiylashtirish va xorijga chiqish-kirish bilan bog‘liq xizmatlar uchun elektron navbatga yozilish O‘zbekistonning boshqa viloyatlarida ham joriy etiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo