O‘zbekistonda uyali aloqa operatorlariga radiochastota polosalari qayta taqsimlab berildi

O‘zbekistonda 900 / 1800 MGs radiochastota diapazonlarida mobil aloqa tarmoqlarining xizmatlari Unitel MChJ (Beeline), Coscom MChJ (Ucell), “O‘zbektelekom” AKning UzMobile Milliy operatori (UzMobile) hamda Universal Mobile Systems MChJ (UMS) mobil aloqa operatorlari tomonidan ko‘rsatilmoqda. 900 / 1800 MGs radiochastotalari yuqoridagi operatorlarga to‘liq bo‘lib berilgan va ayni paytda bo‘sh polosa mavjud emas, deb yozadi  Axborot texnologiyalari va kommunikatsiyalarini rivojlantirish vazirligi Axborot xizmati.

Foto: “Migom.by”

Shuningdek, operatorlar teng bo‘lmagan miqdordagi radiochastota hajmiga ega bo‘lgan edilar. Radiochastota polosalari mobil aloqa operatorlari o‘rtasida uzuq-yuluq o‘lchamda, diapazonning turli qismlarida ajratilgan edi.
Radiochastota polosalarining bu taxlit taqsimlanishi LTE (Long-Term Evolution) texnologiyasining 4-avlod (4G) mobil aloqa standartini joriy qilishga to‘sqinlik qiladi. Mazkur standart mobil aloqa tarmoqlarida har qanday ko‘rinishdagi (ovozli, fayl va video) ma’lumotlarni yuqori tezlikda almashish uchun jahon miqyosida joriy qilinmoqda. LTE standarti esa yuqori tezlikda ma’lumot almashishda kengligi 10 dan 20 MGs gacha bo‘lgan yaxlit chastota polosalarini talab etadi.
Ayrim mobil aloqa operatorlarida chastota hajmining kam miqdorda bo‘lishi mobil aloqa xizmatlarining talab darajasida sifatli ko‘rsatilmasligiga olib keladi.
Shu munosabat bilan,  Radiochastotalar bo‘yicha Respublika kengashi  tomonidan mobil aloqa operatorlari tomonidan radiochastota resurslaridan unumli foydalanilishini ta’minlash maqsadida, “900 / 1800 MGs diapazonlarida radiochastota polosalarini qayta taqsimlash to‘g‘risida”gi qarori qabul qilingan edi.
Mazkur qaror operatorlarga radiochastota spektrlaridan foydalanish bo‘yicha teng raqobat sharoitini yaratib berish, LTE texnologiyasini tezkor rivojlantirish uchun ularning radiochastotalardan qulay va samarali foydalanishlarini ta’minlash, mamlakatda mobil aloqa xizmati sifatini oshirishga zamin yaratadi.
Kengash ning mazkur qaroridagi vazifalarni ta’minlashda mobil aloqa abonentlarida yuzaga kelishi mumkin bo‘lgan texnik nosozliklarning oldini olish maqsadida, mobil operatorlarga aloqa tarmoqlarini qayta muvofiqlashtirish bo‘yicha chora-tadbirlarni amalga oshirishlari uchun 6 oy vaqt beriladi.
900 / 1800 MGs radiochastota kanal va polosalarining 900/1800 MGs diapazonlaridagi amaldagi va rejalashtirilgan taqsimoti to‘g‘risida ma’lumot



Chastota diapazoni/ standart
Coscom  MChJ QK
Unitel  MChJ
Universal Mobile Systems MChJ QK
“O‘zbektelekom” AKning UzMobile Milliy operatori


amaldagi
rejadagi
amaldagi
rejadagi
amaldagi
rejadagi
amaldagi
rejadagi


900
GSM
29
31
68
31
13
31
14
31


1800
GSM, LTE
60
93
176
93
65
93
67
93


Jami
89
(17,8 MGs)
124
(24,8 MGs)
244
(48,8 MGs)
124
(24,8 MGs)
78
(15,6 MGs)
124
(24,8 MGs)
81
(16,2 MGs)
124
(24,8 MGs)



“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo