Yaya Ture: “Barselona”ga qarshi o‘yinda Messidan to‘pni oyoqlarim orasidan o‘tkazmaslikni so‘ragandim

Angliyaning “Manchester Siti” futbol klubi yarim himoyachisi Yaya Ture “Barselona” hujumchisi Messini dunyoning eng yaxshi futbolchisi deb atadi. Bu haqda “Uff.uz” xabar bermoqda .

Foto: Zimbio

“Dunyoning eng yaxshi futbolchisi? Messi”, — dedi ivuarlik futbolchi.
“Oxirgi ikki yilda Yevropa Chempionlar ligasida “Barselona”ga qarshi o‘ynadik. O‘tgan yili bo‘lgan o‘yinda Messi men bilan hazillashib, to‘pni oyoqlarim orasidan olib o‘tishini aytgan edi. O‘yin vaqtida u shunday uslubda ikki jamoadoshimni aldab o‘tganini va men tomon kelayotganini ko‘rdim. O‘sha vaqtda meni ham shunday uslubda aldasa kerak, deb o‘ylagandim”, — deydi Yaya Ture.
“Messi yaqin kelganda: “Faqat bunday qilma, iltimos”, — dedim. O‘sha vaqtda Messi meni oilam oldida noqulay ahvolga qo‘yishidan cho‘chigan edim”, — deya qo‘shimcha qildi “Manchester Siti” yarim himoyachisi.
Batafsil | Подробно | Read more... Daryo