Niderlandiya qiroli 20 yildan ziyod yashirincha uchuvchilik qilgan. Yo‘lovchilar uni tanimagan

Niderlandiya qiroli Villem-Aleksandr 21 yil davomida KLM aviakompaniyasi fuqarolik reyslarida uchuvchi bo‘lib ishlagan. Yo‘lovchilar bu haqda bilmagan. Bu haqda u Telegraaf gazetasiga bergan intervyusida aytib berdi, deb yozadi “Rtvi.com”.

Foto: “TASS”

Villem-Aleksandr oyiga ikki marta ikkinchi uchuvchi bo‘lib ishlagan, shuningdek, Fokker kompaniyasining kichik yo‘lovchi samolyotlarini boshqargan. U 2013-yilda taxtga o‘tirganidan keyin ham uchuvchilik qilishda davom etdi.
Qirolning so‘zlariga ko‘ra, u samolyotda baland ovozli aloqa orqali hech qachon o‘zini yo‘lovchilarga tanishtirmagan, ammo ba’zilar uni ovozidan tanib qolgan. Sayohatchilarning ko‘pchiligi ularning qarshisida qirol turganini fahmlamagan, chunki u doimo KLM furajkasini kiyib yurgan.
Bu yil KLM Fokker samolyotlarini Boeing 737’ga almashtirishga qaror qildi. Uchuvchilik karyerasini to‘xtatmaslik uchun Villem-Aleksandr Boeing 737 kabi katta yo‘lovchi samolyotlarini boshqarishni qaytadan o‘rganmoqchi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo