Bill Geyts — bitiruvchilarga: Yuksalishingizga ko‘mak beradigan va yaxshilikka yetaklaydigan kishilar qurshovida bo‘ling

May oyi yarmidan o‘tdi, bu esa ko‘pchilik yoshlarda bitiruv jarayonlari yaqinlashayotgani anglatadi. Bill Geyts bo‘lajak bitiruvchilar bilan o‘zining qimmatli maslahatlarini o‘rtoqlashdi .

Foto: 3DNews

Ular quyidagi 13 tvitda jamlangan:

 Sun’iy intellekt, energetika va biofanlar ilmning o‘z so‘zini aytish mumkin bo‘lgan, kelajagi porloq sohalari. Agar bitiruvchi bo‘lganimda, aynan ular bilan shug‘ullangan bo‘lardim.
Kollejni yakunlagan davrimga nazar tashlab, o‘sha paytlardayoq bilishim kerak bo‘lgan ko‘plab narsalar borligini tushunib yetaman.
Masalan, ong turli shakllarni olishi mumkin. U bir o‘lchamli emas.
Ta’limni tugallanimdan keyin ham dunyodagi dahshatli tengsizlik haqida juda kam bilganimdan afsusdaman. Buni to‘liq anglab yetish uchun o‘nlab yillar kerak bo‘ldi.
Men Sizlarning yoshingizda bilganimdan ko‘ra ko‘proq narsalarni tushunasiz. Ko‘changizda ham, butun dunyoda ham adolatsizlikka qarshi kurashni mendan ertaroq boshlashingiz mumkin.
Yuksalishingizga ko‘mak beradigan va oxir-oqibat Sizni yaxshiroq qiladigan kishilar qurshovida bo‘ling. Men uchun shunday inson —Melinda Geyts.
Uorren Baffet kabi men ham baxtimni yaqinlarim qanchalik baxtli ekanligi va meni nechog‘li kuchli sevishlari bilan o‘lchayman. Boshqa odamlarga qancha foyda keltirishim bilan ham.
Bitirish kechangizga sovg‘a taqdim etish imkoni tug‘ilganda, har biringizga Stiven Pinkerning “Inson tabiati farishtalari: Zo‘ravonlik tanazzuli sabablari haqida” kitobini topshirgan bo‘lardim. Bu men o‘qigan eng ilhombaxsh asar.
Pinker dunyo qanday yaxshilanib borayotgani haqida hikoya qiladi. Tentaklikdek tuyulishi mumkin, biroq aynan shunday. Biz insoniyat tarixidagi eng tinch davrda yashayapmiz.
Bu chindan ham muhim, chunki dunyo yaxshilanib borayotgani haqida o‘ylasang, bu haqda uning turli nuqtalarida ko‘proq odamlar bilishini istaysan.
Bu biz insoniyat duch kelayotgan jiddiy muammolarni inkor etayotganimizni anglatmaydi. Aksincha, ularni bartaraf etish mumkin deb hisoblashimizni bildiradi.
Dunyoqarashim mohiyati ham shundan iborat. U meni qiyin paytlarda qo‘llab-quvvatlaydi va o‘z ishimni sevishimning asosiy sababidir. Mazkur g‘oyalar Sizga ham yordam beradi, deb o‘ylayman.
Hozir hayotingizdagi eng ajoyib davr. Undan maksimal darajada foydalanasiz, degan umiddaman.

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo