Texasda qafasidan qochib chiqqan qoplon maymunni o‘ldirdi

Texasdagi Abilin shahridagi hayvonot bog‘ida 2016-yildan beri Luna va Estrella laqabli opa-singil qoplonlar yashamoqda. Ular bu yerga Dallasdagi hayvonot bog‘idan bir yoshga to‘lganida keltirilgan, deb xabar berdi National Geographic.

Foto: National Geographic

2017-yilning 15-may kuni erta tongda Estrella o‘zining to‘siqlar bilan o‘ralgan maydonidan qochib chiqishga muvaffaq bo‘lgan. Hayvonot bog‘i ochilishiga bir soat borligi sabab, odamlardan hech kimga zarar yetmagan. Qoplonning qochishi 10 daqiqa davom etdi: mutaxassislar tezda hayvonni trankvilizator yordamida uxlashtishga erishdi va u o‘z joyiga qaytarildi.
Biroq shu qisqa vaqt ichida yirtqich o‘zining ov ko‘nikmalarini qo‘llashga erishgan: u yaqinida joylashgan koati turidagi Ba laqabli maymunga hujum qilgan. Estrella unga jiddiy jarohat yetkazgani sabab, veterinarlar uni qutqarib qola olmadi.
19 yoshli Ba Abilin hayvonot bog‘ida ancha yillardan beri yashar edi: u yoshligida kontrabandachilardan musodara qilingan.

Foto: National Geographic

Hayvonot bog‘i ma’muriyati voqea yuzasidan tergov boshlagan: yosh qoplon qanday qilib o‘ralgan hududdan qochib chiqqani haligacha noma’lum.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo