Dunyodagi birinchi haydovchisiz transformer avtomobil taqdim etildi

Italiya va AQShning Camal va OSVehicle kompaniyalari dunyodagi birinchi haydovchisiz transformer avtomobil prototipini taqdim etdi. Mashina besh asosiy qismdan iborat bo‘lishi ko‘zda tutilgan, deb xabar beradi Motor.

Foto: Motor

Model Edit deb nomlanadi. Uning tarkibiy qismlari — old va orqa qism, tom, eshiklar (har bir tomonda ikkitadan) va shassi. Oxirgisidan boshqa barcha elementlar osonlikcha almashtirilishi mumkin. Shu tariqa, mualliflarning fikricha, mashina turli avtomobil kompaniyalari tomonidan turli maqsadlarda qo‘llanilishi mumkin.

Foto: Motor

Transformatsiya imkoniyatiga ega bo‘lishiga qaramay, Edit har doim bir xil o‘lchov va shaklda bo‘lib qolaveradi.

Foto: Motor

Mualliflarning qayd qilishicha, almashtiriladigan qismlarning ishlatilishi avtomobilni qulaylashtiradi va uni ishlab chiqarishni arzonlashtiradi.

Foto: Motor

Hozircha Edit faqat renderlar va kompyuter modeli shaklida mavjud. Kuch qurilmasi sifatida elektr tizim o‘rnatish taklif qilinmoqda.

Foto: Motor

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo