Hasan Ruhoniy Eron prezidenti etib qayta saylandi

Eronning amaldagi prezidenti Hasan Ruhoniy prezidentlik saylovida g‘alaba qozondi va mamlakat rahbari lavozimiga qayta saylandi. Bu haqda Associated Press’ga asoslanib “Interfaks” xabar bermoqda .

Hasan Ruhoniy. Foto: “TASS”

Eron IIV xabariga ko‘ra, Ruhoniyni saylovchilarning 59 foizi – 22 million 800 ming kishi qo‘llab-quvvatladi. Uning eng yaqin ta’qibchisi Ibrohim Raisiyga saylovchilarning 39 foizi, ya’ni, 15 million 452 ming kishi ovoz berdi.
Kecha, 19-may kuni bo‘lib o‘tgan saylovda jami 40 million eronlik ishtirok etdi. Bu saylashga huquqi bo‘lganlarning 70 foizi demakdir. Birinchi turda g‘alaba qozonish uchun nomzod 50 foizdan ko‘proq ovoz to‘plashi kerak edi.
Hasan Ruhoniy 2013-yilgi saylovda 51 foiz ovoz to‘plab g‘olib bo‘lgandi. O‘shanda saylovchilarning 73 foizi prezident saylovida ishtirok etgandi.
Xabarda qayd etilishicha, ovoz berish istagida bo‘lganlar ko‘p bo‘lgani sababli saylov uchastkalari ish vaqtini bir necha bor uzaytirishga majbur bo‘ldi.

Foto: EPA

68 yoshli Eron prezidenti liberal islohotlar tarafdori bo‘lib, siyosiy erkinlik va’da qilmoqda. Bundan tashqari, Hasan Ruhoniy boshqa mamlakatlar bilan aloqalarni yaxshilamoqchi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo