Julian Assanjning onasi Avstraliya bosh vazirini o‘g‘liga yordam ko‘rsatishga chaqirdi

WikiLeaks tashkilotining asoschisi Julian Assanjning onasi Kristin Avstraliya bosh vaziri Malkolm Ternbullni “o‘g‘li Ekvadorga to‘siqlarsiz yetib olishida Buyuk Britaniya hukumatiga bosim o‘tkazishga” chaqirdi, deb xabar berdi “TASS”.

Foto: “RIA Novosti”

Jurnalistlar bilan suhbatlashgan Kristin Assanj Avstraliya hukumati “o‘g‘lining sayohat qilishi uchun tezda yangi pasport rasmiylashtirib berishi lozim”ligini aytdi.
“Men Malkolm Ternbullni o‘zini bosh vazirdek tutishga va mamlakat fuqarosini himoya qilishga chaqiraman”, — dedi Kristin.
O‘z navbatida Assanjning huquqshunoslari jamoasi vakili Greg Barns Sky News telekompaniyasiga bergan intervyusida Avstraliya hukumati “Vashington va London bilan gaplashib ko‘rishi lozim” deya ta’kidladi.
“Avstraliya hukumati mamlakat fuqarosi bo‘lgan Julian Assanjning muammosini hal qilishdan allaqachon chetga chiqqan”, — dedi advokat.
18-may, payshanba kuni Shvetsiya prokuraturasi zo‘rlashda gumonlanayotgan Assanjga nisbatan tergovni to‘xtatgan edi , biroq u hamon Ekvadorning Londondagi elchixonasida qolmoqda. Reuters agentligining ma’lum qilishicha, WikiLeaks asoschisi 2012-yilda sudga kelmagani sabab Vestminster magistrat sudi tomonidan berilgan hibsga olish orderi haligacha o‘z kuchida.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo