“Borussiya” “Bavariya” bilan raqobat qila olmasa-da, Obameyang gol urishda Levandovskini ortda qoldirdi

Germaniya Bundesligasining so‘nggi tur bellashuvlari kecha — 20-may kuni bo‘lib o‘tdi.

Foto: Getty Images

Mavsum yakunlanmay turib, “Bavariya” futbolchilari chempionlikni naqd qilib qo‘ygandi. Kecha myunxenlik futbolchilar o‘z maydonida chempionlikni nishonladi, shuningdek, Filipp Lam va Xabi Alonso kabi sportchilarni futbolchilikdan kuzatib qo‘ydi .
Irodali g‘alabani qo‘lga kiritgan Dortmundning “Borussiya” klubi mavsumni bronza medallari bilan yakunladi.
Kelasi mavsum Yevropa Chempionlar ligasida “Bavariya”, “Leypsig”, “Borussiya Dortmund” va “Xoffenxaym” klublari to‘p suradi.
Ikki yil oldin Bundesligaga chiqishga muvaffaq bo‘lgan ikki klub — “Darmshtadt” va “Ingolshtadt” elita bilan xayrlashdi. “Volfsburg” esa Bundesligada jon saqlab qolish uchun o‘tish o‘yinida ishtirok etadi.
Mavsum to‘purari
Bu borada “Bavariya” hujumchisi Robert Levandovski hamda “Borussiya Dortmund” a’zosi Pyer-Emerik Obameyang so‘nggi turga qadar raqobatda bo‘ldi. 34-turda polshalik hujumchi gol ura olmadi, Gabon termasi a’zosi esa dubl qayd etdi. Natijada Obameyang 32 ta o‘yinda urgan 31 ta goli bilan Bundesliga to‘purari bo‘ldi. Levandovski esa shuncha o‘yinda 30 ta gol urib, ikkinchi bo‘ldi.

Foto: “Borussiya Dortmund”


“Borussiya” klubi safida bir futbolchining 31 ta gol urishi so‘nggi bor yarim asr avval, aniqrog‘i, 51 yil muqaddam kuzatilgan bo‘lib, bu baxt Lotar Emmerixga nasib qilgandi.

Germaniya Bundesligasi
34-tur bellashuvlari
20-may, shanba
“Bavariya” — “Frayburg” 4:1
Gollar: Aryen Robben, 4 (1:0). Arturo Vidal, 73 (2:0). Nils Petersen, 76 (2:1). Frank Riberi, 91 (3:1). Joshua Kimmix, 94 (4:1).
“Borussiya Dortmund” — “Verder” 4:3
Gollar: Zlatko Yunuzovich, 7 (0:1). Marko Roys, 32 (1:1). Pyer-Emerik Obameyang, 42 (2:1). Fin Bartels, 46 (2:2). Maks Kruze, 68 (2:3). Marko Roys, 75-pen (3:3). Pyer-Emerik Obameyang, 89-pen (4:3).
“Xoffenxaym” — “Augsburg” 0:0
“Ayntraxt” — “Leypsig” 2:2
Gollar: Marsel Zabitser, 25 (0:1). Yussuf Poulsen, 56 (0:2). Xesus Valyexo, 83 (1:2). Danni Blum, 90 (2:2).

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo