“O‘zbekneftgaz” Qashqadaryoda neft-kimyo klasterini yaratadi

“O‘zbekneftgaz” milliy xolding kompaniyasi 2017—2020-yillarda Sho‘rtan gaz-kimyo majmuasi quvvatini deyarli to‘rt marta oshiradi, deb yozadi “Gazeta.uz” Toshkentda bo‘lib o‘tgan Global Oil Gas xalqaro ko‘rgazmasida e’lon qilingan ma’lumotlarga tayanib.

Foto: “Sgcc.uz”

2021-yilgacha gaz-kimyo majmuasi 450 ming tonna polimer mahsulotlarni chiqaradi, shuningdek, yiliga 50 ming tonna piroliz distillyatini chiqarishni o‘zlashtiradi. Qariyb 1 milliard dollarlik loyiha O‘zbekiston Tiklanish va taraqqiyot jamg‘armasi kreditlari va “O‘zbekneftgaz”ning o‘z mablag‘lari hisobidan moliyalashtiriladi. Ayni paytda kengaytirilgan bazaviy loyiha ishlab chiqilmoqda, qurilish ishlari 2018-yilning ikkinchi choragida boshlanishi rejalashtirilgan.
Soha ekspertlari hisob-kitoblariga ko‘ra, Sho‘rtan gaz-kimyo majmuasi quvvatining bunchalik keskin o‘sishi ishlab chiqarishga Qashqadaryo viloyatida barpo etilayotgan GTL (gas-to-liquid) zavodidan sintetik naftani jalb etish orqali ta’minlanadi.
“Majmua korxonalarining kengaytirilishi qurilayotgan GTL-zavod bilan integratsiyalanadi, bu esa O‘zbekistonda birinchi neft-kimyo klasterini yaratish imkonini beradi”, — dedi “O‘zbekneftgaz” xoldingi boshqaruv raisi Alisher Sultonov ko‘rgazma doirasidagi konferensiyada.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo