Qarshida narkotik modda sotgan avtobus haydovchisi fosh etildi

Qashqadaryo viloyati bojxona boshqarmasi xodimlari tomonidan huquqni muhofaza qiluvchi idoralar xodimlari bilan hamkorlikda giyohvandlik vositalarining noqonuniy oldi-sotdisi bilan shug‘ullanib kelgan jinoiy guruh faoliyatiga chek qo‘ydi. Bu haqda Qashqadaryo viloyati bojxona boshqarmasi matbuot xizmati xabar bermoqda .

Foto: Qashqadaryo viloyati bojxona boshqarmasi matbuot xizmati

Aniqlanishicha, 50 yoshni qarshilagan Qarshi shahrida istiqomat qiluvchi fuqaro Q.Rahimov (ism-sharifi o‘zgartirilgan) giyohvandlik vositasini sotishda o‘ziga xos yo‘ldan foydalangan. U Qarshi shahridagi yo‘nalishdagi avtobuslardan birini boshqarish bilan birga, ish jarayonida yo‘l-yo‘lakay “mijoz”lariga giyohvandlik vositalarini sotish bilan ham shug‘ullangan.
Olib borilgan tezkor tadbir davomida, Q.Rahimovning yashash xonadonidan hammom tomi va devor ustiga xufyona tarzda qog‘ozlarga o‘ralgan holdagi hamda o‘n ikki dona gugurt qutisiga solingan, shuningdek hovlidagi isitish tizimi xonasining yashirin joylariga ikki gazetaga o‘ralgan holda xufyona joylashtirilgan 153,2 grammdan iborat bo‘lgan giyohvandlik moddasi aniqlandi.
Shuningdek, tadbirda uning doimiy mijozi bo‘lgan fuqaro S.Qo‘ldoshevning egnidagi kiyimining cho‘ntaklaridan uch dona gugurt qutiga joylashtirilgan va bir dona ming so‘mlik kupyuraga o‘ralgan hamda uning yashash xonadonidan ikki dona qog‘oz bo‘lagiga o‘ralgan og‘irligi 9 grammdan iborat giyohvandlik moddalari ashyoviy dalil sifatida olib qo‘yildi.
Viloyat IIB EKBning ekspert xulosalariga ko‘ra, fuqarolar Q.Rahimov hamda S.Qo‘ldoshevdan ashyoviy dalil sifatida olingan giyohvandlik vositalari marixuana giyohvandlik moddasi ekanligi ma’lum bo‘ldi.
Hozirda mazkur huquqbuzarlik holatlari yuzasidan bojxona tekshiruvlari va surishtiruv ishlari olib borilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo