Foto: O‘zbekiston va AQSh prezidentlarining barcha uchrashuvlari

O‘zbekiston Prezidenti Shavkat Mirziyoyev 21-may kuni Saudiya Arabistonida AQSh prezidenti Donald Tramp bilan uchrashdi. Bu O‘zbekiston va AQSh davlat rahbarlarining so‘nggi 15 yildagi ilk yuzma-yuz uchrashuvi bo‘ldi. Bungacha O‘zbekistonning Birinchi Prezidenti Islom Karimov AQShning ikki prezidenti bilan uchrashgan edi.
Birinchi uchrashuv. 1996-yil, 25-iyun

Foto: Getty Images

O‘zbekiston Birinchi Prezidenti Islom Karimov 1996-yilning 23—28-iyun kunlari tashrif bilan AQShda bo‘lgan. Tashrif davomida O‘zbekistonning AQShdagi elchixonasi ochilish marosimi bo‘lib o‘tgan, shuningdek, Prezident boshchiligidagi O‘zbekiston delegatsiyasi Texas va Kolorado shtatlarida ham muzokaralar olib borgan. 25-iyun kuni esa Islom Karimov Oq uyda AQShning o‘sha vaqtdagi prezidenti Bill Klinton bilan uchrashgan .
Ikkinchi uchrashuv. 2002-yil, 14-mart

Foto: Getty Images

Islom Karimov 2002-yilning 11—14-mart kunlari rasmiy tashrif bilan Amerikada bo‘ldi va 12-mart kuni Oq uyda AQSh prezidenti kichik Jorj Bush bilan uchrashdi. “Islom Karimov Oq uyda AQSh prezidenti va hukumati a’zolari tomonidan faxriy mehmondek kutib olingan edi”, — deb yozadi Open Asia. Bu vaqtga kelib AQShning Afg‘onistonda 2001-yili boshlagan “terrorchilikka qarshi urushi” ayni avj pallasiga chiqqan, O‘zbekiston o‘z hududidagi bazadan AQShning foydalanishiga ruxsat bergan edi.
Uchinchi uchrashuv. 2017-yil, 21-may

Foto: Shavkat Mirziyoyev / Facebook

O‘zbekiston Prezidenti Shavkat Mirziyoyev Arab-musulmon mamlakatlari va AQSh sammiti doirasida Ar-Riyodda AQSh prezidenti Donald Tramp bilan uchrashdi. “Uchrashuvda Donald Tramp O‘zbekistonda olib borilayotgan islohotlar jarayonini yuqori baholadi”, — deyiladi O‘zA axborotida.

Mavzuga doir:   Shavkat Mirziyoyev AQSh prezidenti Donald Tramp bilan uchrashdi. Saudiya Arabistonida yana nimalar bo‘ldi?

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo