Namanganda ichimlik suvi ta’minotini yaxshilashga salkam 28 mlrd so‘m yo‘naltiriladi

Keyingi ikki yilda Namangan viloyatida umumiy qiymati 32,7 milliard so‘mga teng 2 ta yangi suv tarqatish inshooti qurilib, 2 tasi rekonstruksiya qilindi. Natijada 419 ming aholining ichimlik suv ta’minoti yaxshilandi.  Bu haqda “Daryo” muxbiri xabar bermoqda.

Foto: “Daryo”

Joriy yilda esa aholini ichimlik suvi ta’minotini yaxshilash bo‘yicha 2017-yil dasturiga asosan yangi tarmoq va inshootlar qurish hamda rekonstruksiya qilish ishlariga 27, 8 milliard so‘m ajratilgan.
— O‘zbekiston Prezidentining  “2017-2021-yillarda ichimlik suvi ta’minoti va kanalizatsiya tizimlarini kompleks rivojlantirish hamda modernizatsiya qilish dasturi to‘g‘risida”gi qaroriga asosan “Namangan shahrining ichimlik va oqava suv tizimlarini rekonstruksiya qilish” loyihasiga jami 160 million, xususan, Yevropa tiklanish va taraqqiyot bankining 140 million dollar miqdoridagi mablag‘ini jalb etish ko‘zda tutilgan, — deydi viloyat “Suvoqava” davlat unitar korxonasi direktori Muhamadayubxo‘ja Apaqov. — Agar amalga oshiriladigan ishlarga to‘xtaladigan bo‘lsak, Namangan shahrini ichimlik suvi bilan ta’minlovchi 3 ta suv olish va 10 suv uzatish inshooti to‘liq rekonstruksiya va modernizatsiya qilinadi.
37 kilometr uzunlikdagi “Uchqo‘rg‘on—Namangan” magistral tarmog‘ining 2-navbati quriladi. 65,2 kilometr magistral va ko‘cha tarmoqlari rekonstruksiya qilinadi. Shuningdek, Namangan shahar oqava suvlarni tozalash inshootining quvvati rekonstruksiya hisobiga sutkasiga  90 mingdan 150 ming kub metrga yetkaziladi. 19 kilometr uzunlikda Janubiy kollektor hamda 5 kilometr uzunlikda “Uychi—Namangan” kollektorining qurilishi yakunlanmay qolgan qismini qurish ishlari bajariladi.

Foto: “Daryo”

“Rovot” suv olish inshooti va “Rovot-To‘raqo‘rg‘on” magistral tarmog‘ida 2017-2018-yillarda 1 va 2-bosqichda 24 kilometr magistral tarmoqni almashtirish, shuningdek, “Rovot” suv olish inshootini to‘liq qayta rekonstruksiya qilish ishlari olib boriladi. Umumiy qiymati qariyib 27 milliard so‘mdan iborat mazkur loyiha doirasida 10,2 kilometr uzunlikda zahira elektr tarmog‘i tortiladi, 17 ta tik quduq rekonstruksiya qilinadi va zamonaviy nasos bilan jihozlanadi. Bundan tashqari, 3 ta nimstaniya o‘rnatiladi. Loyiha amalga oshirilishi hisobiga 156,5 ming kishi toza ichimlik suvi bilan ta’minlanadi. Bir kishining kunlik iste’moli 50 litrdan 110—150 litrga yetadi.
Viloyatda qator xalqaro moliya institutlari ishtirokida ham istiqbolli dasturlar amalga oshirilmoqda. Xususan, qiymati 49,6 million dollar bo‘lgan “‘Zarkent’, ‘Hadikent’, ‘Iskovot’, ‘Buloqboshi’, ‘Bo‘ston’, ‘Yoshlik’ qishloqlari ichimlik suv ta’minotini yaxshilash” loyihasiga 2017-2020-yillarda OPEK rivojlantirish fondining imtiyozli kreditlarini jalb etish belgilangan.  Qiymati 80 million dollarni tashkil etuvchi “Chust, Pop, Chortoq, Namangan va Uchqo‘rg‘on tumanlari ichimlik suv ta’minotini yaxshilash” loyihasi 2017—2020-yillarda Abu-Dabi rivojlantirish fondi ishtirokida amalga oshiriladigan loyihalar tarkibiga kiritildi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo