Bojxona ko‘rigi davomida avtomobil eshiklari orasidagi bo‘shliqlarga 1 100 dona stomatologik texnik vosita yashirilganligi aniqlandi

Toshkent viloyati bojxona boshqarmasi xodimlari turli tovar-moddiy boyliklarning bojxona nazoratidan yashirincha olib kirilishiga doir bir nechta qonunbuzarlik holatlarini fosh qildi. Bu haqda Toshkent viloyati Bojxona boshqarmasi matbuot xizmati “Daryo” ma’lum qildi.

Foto: Toshkent viloyati Bojxona boshqarmasi matbuot xizmati

Jumladan, “G‘ishtko‘prik” chegara-bojxona kompleksida respublikaga kirib kelgan yengil avtomashinalardan biri bojxona ko‘rigidan o‘tkazilganda, uning eshiklari orasidagi ko‘z ilg‘amas bo‘shliqlarga to‘rt turdagi 1100 donadan ortiq stomatologik texnik vosita yashirilganligi aniqlandi.

Foto: Toshkent viloyati Bojxona boshqarmasi matbuot xizmati

Bojxona xodimining og‘zaki so‘rov vaqtida hamda yo‘lovchi bojxona deklaratsiyasida ma’lum qilinmagan va qiymati salkam 110 million so‘mni tashkil qiluvchi ushbu tibbiy vositalar fuqaro M.Bakiyevga tegishli bo‘lib chiqdi.
“Yallama” chegara-bojxona postida esa fuqaro T.To‘ychiyev “Kamaz” rusumli avtoulovi yukxonasining pol qismiga 33 turdagi 2 141 dona, shuningdek uch turdagi salkam 60 kilogramm biologik aktiv qo‘shimchalarni yashirgan holda respublikaga olib kirishga urindi. Bojxona rasmiylashtiruvi va sifatini tasdiqlovchi hujjatlari bo‘lmagan mazkur tovar-moddiy boyliklarning umumiy qiymati 182 million so‘mdan oshdi.
Shuningdek, mazkur postda bojxonachilar yirik miqdordagi yana bir bojxona qoidabuzarligini fosh qildi. Tegishli hujjatlarga ko‘ra, MAN rusumli yuk avtomashinasida poytaxtdagi Inter auto line mas’uliyati cheklangan jamiyati nomiga un mahsulotlari keltirilayotgan bo‘lishi kerak edi. Biroq, bojxona ko‘rigi davomida bojxonachilar X.Xolmatov boshqaruvidagi mazkur avtomashina yukxonasida un mahsuloti o‘rnida noutbuklar, turli iste’mol tovarlari, biologik aktiv qo‘shimcha va giyohlar, alkogolli ichimliklar, kiyim-kechaklar, gazlamalar va boshqa tovar-moddiy boyliklar borligi aniqlandi.
Yo‘l-yuk kuzatuv hujjatlarida qayd etilmagan va bojxona nazoratidan chetlab olib kirish paytida to‘xtatib qolingan mazkur tovar-moddiy boyliklarning umumiy qiymati 923 million so‘mdan ortiqni tashkil etdi. Mazkur holatlar yuzasidan jinoyat ishlari qo‘zg‘atilib, tergov harakatlari olib borilmoqda.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo