Shavkat Mirziyoyevning tashrifidan so‘ng “Vatandosh” mahallasida guzar, “Go‘zallik saloni”, liboslar atelyesi, novvoyxona qurildi

O‘zbekiston Prezidenti Shavkat Mirziyoyevning 6-may kuni poytaxtning Yashnobod tumaniga tashrifidan so‘ng “Vatandosh” mahallasi ko‘chalari, ko‘p qavatli uylar atrofi obodonlashtirildi. Bog‘cha, maktab, kollej, oilaviy poliklinika, tibbiy dispanserda ko‘plashib hashar o‘tkazildi. Ko‘p qavatli uylarning yo‘lak va tom qismlari tozalanib, ta’mirdan chiqarildi, deb yozadi O‘zA.

Foto: Facebook / Shavkat Mirziyoyev

Davlat rahbari Yashnobod tumaniga kelganidan so‘ng qisqa fursatda ko‘rkam guzar barpo etildi. Respublika “Mahalla” xayriya jamoat fondi hamda tuman hokimligi ko‘magida milliy va jahon adabiyotining sara namunalaridan iborat mo‘jaz kutubxona tashkil etildi. “Go‘zallik saloni”, liboslar atelyesi, novvoyxona qurilib, foydalanishga topshirildi. Tez orada qishloq xo‘jaligi mahsulotlari savdo shoxobchasi ishga tushishi ham kutilmoqda.
Mahalla faollarining yordami bilan oltmish nafardan ortiq odam ishli bo‘ldi. O‘zAning qayd etishicha, uzoq yillar mobaynida o‘ndan ortiq jon katalakdek uyda tiqilib yashayotgan xonadon a’zolariga uy-joy olish bo‘yicha hujjatlar rasmiylashtirishga ko‘maklashildi. Ko‘p qavatli uylarga o‘rnatilgan kuzatuv kameralari turli nojo‘ya xatti-harakatlar, jinoyatchilikning oldini olmoqda.
Yolg‘iz, bemor keksalar, alohida ehtiyojli fuqarolarning holidan xabardor bo‘lish, oila ajralishlarining oldini olish, yoshlarni turli xatarli g‘oyalar, illatlar ta’siridan asrash, doimo ogoh va hushyor bo‘lishni faoliyatimizning eng asosiy yo‘nalishiga aylantirganmiz.
Feruza Mahmudova, “Vatandosh” mahallasining diniy ma’rifat va ma’naviy-axloqiy tarbiya masalalari bo‘yicha maslahatchisi
O‘zA bu kabi ishlar “Birlashgan”, “Tong”, “Shohimardon”, “Amir Temur”, “Parvoz”, “Olmos”, “Dilbog‘”, “Jarqo‘rg‘on”, “Fazogir”, “Behizor” singari ko‘plab mahallalarda ham kuzatish mumkinligini ta’kidladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo