Namanganda 3000 ga yaqin Damas o‘rniga 155 ta Isuzu avtobuslari harakati yo‘lga qo‘yildi. O‘rnini bosa olarmikin?

O‘zAning xabar berishicha , “Namangan shahrida Alisher Navoiy, Amir Temur va Boborahim Mashrab ko‘chalarida yo‘lovchi tashish faoliyati bilan shug‘ullanayotgan 3 mingga yaqin Damas rusumli transport vositasi harakati cheklandi va ushbu ko‘chalarga bog‘liq bo‘lgan 15 yo‘nalishda 155 ta Isuzu avtobusining muntazam harakati yo‘lga qo‘yildi”.
O‘zAning xabarida shaharga olib kelgan Isuzu avtobuslarining rusumi haqida ma’lumot berilmagan (Samarqanddagi avtozavod yo‘lovchi sig‘imi 38 ta bo‘lgan SAZ HC 40 avtobusidan tashqari o‘z bag‘riga 57 yo‘lovchini sig‘dira oladigan qisman past polli SAZ LE 60 avtobusi ham ishlab chiqariladi). Shuningdek, nomlari zikr etilgan ko‘chalarda bungacha nechta avtobus muntazam qatnaganiga aniqlik kiritilmagan.
155 ta Isuzu avtobusi yo‘lovchi tashishda 3000 ga yaqin Damas’ning o‘rnini bosa olarmikin? Qo‘pol matematik hisob-kitoblar “Yo‘q!”, degan qat’iy javobni taqdim etmoqda.

Foto: “Daryo”

Bitta Damas avtomobili haydovchidan tashqari yana 7 yo‘lovchini sig‘dira oladi. Umumlashtirib hisoblaganda, 3000 ta Damas nazariy jihatdan bir qatnovda 21 000 (yigirma bir ming) yo‘lovchini manzilga yetkazishi mumkin. Ayni vaqtda, 155 ta SAZ HC 40 avtobusi nazariy jihatdan bir qatnovda 5 890 nafar yo‘lovchini, 155 ta SAZ LE 60 avtobusi esa 8 835 nafar yo‘lovchini manzilga yetkaza oladi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo