O‘zbekiston va BAA hukumatlari o‘rtasida madaniy hamkorlik to‘g‘risida anglashuv memorandumi imzolandi

2017-yilning 24-may kuni O‘zbekiston Respublikasi Tashqi ishlar vaziri Abdulaziz Komilov Toshkentga tashrif buyurgan Birlashgan Arab Amirliklari Tashqi ishlar va xalqaro hamkorlik vaziri Shayx Abdulla bin Zoid al Nahayon bilan uchrashdi. Bu haqda O‘zbekiston TIV matbuot xizmati xabar bermoqda .

Foto: Facebook / O‘zbekistan TIV

Vazirlar diqqati markazida siyosiy, savdo-iqtisodiy, investitsion, madaniy-gumanitar va boshqa sohalardagi ikki tomon aloqalarini yanada rivojlantirishning istiqbollari bo‘ldi.
Uchrashuvda xalqaro va mintaqa kun tartibi masalalari yuzasidan fikr almashildi.
Tashqi siyosat idoralari rahbarlari 2017-yil 21-mayda Ar-Riyod shahrida bo‘lib o‘tgan Arab-musulmon mamlakatlari va AQSh sammiti hamda 2016-yil 18—19-oktabr kunlari Toshkent shahrida o‘tkazilgan IHT Tashqi ishlar vazirlari kengashining 43-sessiyasi yakunlarini yuqori baholadi. Ushbu tadirlarda ekstremizm va terrorizmga qarshi turishni kuchaytirish, bag‘rikenglik g‘oyalarini targ‘ib qilish, xavfsizlik, barqarorlik va hamkorlikni mustahkamlash masalalari muhokama qilingan edi.
O‘zbekiston TIV matbuot xizmatinin qayd etishicha, Toshkent forumida O‘zbekiston rahbari Shavkat Mirziyoyev tomonidan taklif qilingan ma’rifat va ta’lim xalqlar farovonligining asosiy faktorlaridan biri ekanligi va insonlarda ezgu ishlar, yaxshiliklarga intilishni mustahkamlashi to‘g‘risidagi tezis Saudiya Arabistoni poytaxtidagi davlat va hukumat rahbarlari, 50 dan ortiq davlatlar, qator yetakchi xalqaro tashkilotlarning rasmiy vakillari ishtirok etgan uchrashuvda ham o‘z tasdig‘ini topdi.
Suhbat chog‘ida tomonlarning turli darajadagi bo‘lajak O‘zbekiston-Amirliklar uchrashuvlari jadvaliga doir takliflari ham ko‘rib chiqildi.
Muzokaralar yakunlariga ko‘ra vazirlar tomonidan O‘zbekiston Respublikasi hukumati bilan Birlashgan Arab Amirliklari hukumati o‘rtasida madaniy hamkorlik to‘g‘risida anglashuv memorandumi imzolandi.
Suhbatda BAA elchisi Muhammad Hareb al-Mehayribi ishtirok etdi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo