Iqtisodchilar Trampning budjet rejasidan 2 trillion dollarlik “xato” topdi

Oq uy taqdim qilgan uzoq muddatli budjet rejasi 2027-yilga budjet tanqisligiga duch kelmasdan kirib borishni mo‘ljal qilgan, deb xabar berdi “RBK”.

Foto: AP

Bunga o‘n yil davomida umumiy xarajatlarni 3,56 trillion dollarga qisqartirish, shuningdek, o‘sha davr mobaynida 2,06 trillion dollar qo‘shimcha daromadlar hisobiga erishiladi. Tramp jamoasi shu usulda 5,63 trillion miqdordagi budjet tanqisligini qisqartirishni rejalashtirmoqda.
2,06 trillion dollar — bu taxmin qilingan jamg‘arma Trampning moliyaviy siyosatini, jumladan va’da qilingan soliqlarni qisqartirish siyosatiga rag‘bat tarzida “iqtisodning javob reaksiya ta’siri” bo‘ladi. Boshqacha qilib aytganda ma’muriyatning bashorat qilishicha, budjet siyosati o‘zgarmaganida budjet daromadi o‘n yil ichida 2 trillion dollarga ortishi mumkin bo‘lardi.
Shu bilan birga amerikalik amaldorlarning aytishicha, haligacha tafsilotlari ochiqlanmagan soliq islohotining budjetga ta’siri bo‘lmaydi, ya’ni soliq stavkalarni qisqartirish oqibatida yuzaga kelgan yo‘qotishlar, kelgusida iqtisodning ko‘tarilishi natijasida soliq tushumlarining ortishi hisobida zararning o‘rni qoplanadi.
The Wall Street Journal nashrining yozishicha, ushbu soliq islohoti Tramp maslahatchisining so‘zlariga qarama-qarshi ravishda budjet daromadlariga deyarli hech qanday ta’sir ko‘rsatmaydi. Iqtisodning tezlashishi oqibatida yuzaga kelgan soliq daromadlarining oshishi nafaqat stavkalarni kamaytirish orqali yuzaga kelgan zararni qoplaydi, balki g‘aznaga qo‘shimcha 2 trillion dollar foyda ham keltiradi.
AQSh sobiq moliya vaziri Lourens Sammers taxmin qilishicha, hukumat hisob-kitoblari “boshlang‘ich iqtisod fani bo‘yicha talabaga imtihonda qoniqarsiz baho qo‘yish mumkin bo‘lgan mantiqiy xato” asosida qurilgan. Uning so‘zlariga ko‘ra, bu xuddi kompaniyaga investitsiya kiritib daromad olishdek, biroq daromadni hisoblayotganda kiritilgan investitsiya qiymatini hisobga olmaslikdek gap. “Prezident Trampning budjeti 2 trillion dollarlik matematik xatodan iborat”, — deya sarlavha keltiradi Time nashri.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo