«Шарқ тароналари» Х халқаро мусиқа фестивалининг тантанали очилиш маросими бўлиб ўтди

Самарқанд шаҳрида 28 август куни «Шарқ тароналари» Х халқаро мусиқа фестивалининг тантанали очилиш маросими бўлиб ўтди, дея хабар бермоқда ЎзА.

Фото: ЎзА

Фестиваль иштирокчилари ва томошабинлар Ўзбекистон Республикаси Президенти Ислом Каримовни қарсаклар билан кутиб олди. Сўз Ўзбекистон Республикаси Президенти Ислом Каримовга берилди.
ЮНЕСКО Бош директорининг ўринбосари Эрик Фалт Президент Ислом Каримов раҳнамолигида Ўзбекистон тарихий ва маънавий меросини сақлаб, барча соҳаларда барқарор ривожланиб бораётганини алоҳида таъкидлади.

Халқаро мусиқа фестивалининг очилишига бағишланган концерт бошланди.


Ўзбекистон мустақиллигининг 24 йиллик байрами арафасида ўтаётган бу галги фестивалга Самарқандда катта тайёргарлик кўрилди. Давлат раҳбари ташаббуси билан Регистон майдони таъмирланиб, атрофи ободонлаштирилди. Амфитеатр кенгайтирилиб, ёритиш тизими янгиланди. Улуғбек, Шердор, Тиллақори мадрасалари реставрация қилинди. Кўксарой майдони, Амир Темур, Руҳобод хиёбонларида кенг кўламли ободонлаштириш ишлари амалга оширилди, янги фавворалар бунёд этилди.

Фестивалнинг нуфузи ва қамрови тобора ортиб бормоқда. Кўплаб мамлакатлар, халқаро маданият ташкилотлари, машҳур санъат намояндалари унда қатнашиш истагини билдирмоқда. 1997 йилда ўтказилган биринчи фестивалда 31 мамлакат вакиллари қатнашган бўлса, бу йилги анжуманга 66 давлат санъаткорлари ташриф буюрди. Фестиваль ЮНЕСКО шафелигида ўтказилаётгани ҳам анжуманнинг юксак мақом ва нуфузини кўрсатади.


Batafsil | Подробно | Read more... Daryo