Apple’ning kapitallashuvi 2019-yilga borib 1 trillion dollardan oshishi mumkin

Apple korporatsiyasining kapitallashuvi iPhone 8’ga smartfoniga bo‘lgan talabning yuqori bo‘lishi kutilayotganligi va aksiyalarini qayta sotib olish jarayoning davom etayotgani sharofatiga 12—18 oydan so‘ng 1 trillion dollardan oshishi mumkin. Bu haqda RBC Capital tahlilchisi Amid Daryanani ma’lum qildi, deb xabar berdi Insider Pro.

Foto: MacDigger

Kompaniya aksiyalarning maqsadli narxini 157 dollardan 168 dollargacha ko‘tardi.
Shuningdek, Daryanani 2019-moliyaviy yilida aksiyalar daromadi 12 dollarga ortadi, aksiyaning qiymati esa 192—195 dollarga chiqib, hozirgi darajasidan 25—27 foizga ko‘tarilishini bashorat qilmoqda.
Daryananining baholashicha, yangi iPhone 8’ni ham hisobga olganda o‘rtacha savdo narxi 800 dollarni tashkil qiladi, 2017-moliyaviy yilda esa 666 dollarni tashkil etgan.
Kompaniya ma’lumotlariga ko‘ra, 21-aprelga qadar muomalada 5,21 milliard dollarlik aksiyalar mavjud bo‘lgan. Aksiyalarning 192 dollarli qiymat darajasi kapitallashuvning 1 trillion dollardan oshishini ko‘rsatadi, 195 dollarli narxda esa 1,02 trillion dollarni tashkil etadi.
Yil boshidan beri Apple aksiyalari 33 foizga oshdi.
Biroq Apple aksiyalarni sotib olishda yiliga 35 milliard dollar sarflaydigan bo‘lsa, 2019 moliyaviy yil davomida muomaladagi aksiyalar qiymati 400—500 millionga kamayadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo