O‘zbekiston Respublikasi Prezidenti Shavkat Mirziyoyev 25-may kuni Savdo-iqtisodiy hamkorlik bo‘yicha hukumatlararo komissiyaning to‘rtinchi majlisida ishtirok etish uchun O‘zbekistonga tashrif buyurgan Turkiya Respublikasi bosh vaziri o‘rinbosari Yildirim Tug‘rul Turkeshni qabul qildi, deb xabar beradi O‘zA.
Foto: O‘zA
Davlat rahbari mehmonni qutlar ekan, siyosiy, savdo-iqtisodiy, investitsiyaviy va madaniy-gumanitar sohalardagi o‘zaro hamkorlik va muloqotlar faollashayotganini mamnuniyat bilan qayd etdi.
Turkiya Prezidenti Rajab Toyyib Erdo‘g‘onning 2016-yil 17—18-noyabr kunlari Samarqand shahriga tashrifi chog‘ida va joriy yil 14-may kuni Pekin shahrida o‘tgan “Bir makon, bir yo‘l” xalqaro forumi doirasida oliy darajadagi samarali uchrashuvlar mamlakatlar o‘rtasidagi keng ko‘lamli va o‘zaro manfaatli hamkorlikni yanada rivojlantirish uchun yuqori sur’at bag‘ishlagani va yangi imkoniyatlar yaratgani ta’kidlandi.
Uchrashuvda O‘zbekistonda to‘qimachilik, charm, kimyo va farmatsevtika sohalari, qurilish materiallari sanoati, qishloq xo‘jaligi mahsulotlarini chuqur qayta ishlash va boshqa yo‘nalishlarda, jumladan, “Urgut” erkin iqtisodiy zonasi doirasida yuqori texnologiyali zamonaviy korxonalarni tashkil etish bo‘yicha aniq loyihalarni birgalikda amalga oshirish uchun Turkiyaning yetakchi kompaniyalari bilan amaliy hamkorlikni kengaytirish masalalariga alohida e’tibor qaratildi.
Turizm sohasida o‘zaro hamkorlik, xususan, zamonaviy sayyohlik obyektlari infratuzilmasini rivojlantirish, birgalikda sayyohlik mahsulotlarini taklif etish, sohada malakali kadrlar tayyorlash bo‘yicha ulkan salohiyat mavjudligi ta’kidlandi.
Toshkentda O‘zbekiston va Turkiya kompaniya hamda korxonalari ishtirokida bo‘lib o‘tgan Savdo-iqtisodiy hamkorlik bo‘yicha hukumatlararo komissiyaning navbatdagi majlisi va Investitsiya forumi natijalari, o‘zaro sheriklikning istiqbolli yo‘nalishlari va qariyb 2 milliard dollarlik hamkorlik loyihalari belgilangani mamnuniyat bilan qayd etildi.
Yildirim Tug‘rul Turkesh Shavkat Mirziyoyevga samimiy qabul uchun minnatdorlik bildirdi va Turkiya Prezidenti Rajab Toyyib Erdo‘g‘onning yuksak hurmati va ezgu tilaklarini yetkazdi. Turkiya bosh vaziri o‘rinbosari Turkiya kompaniyalarining O‘zbekistonda faoliyat yuritishi qo‘llab-quvvatlanayotgani va yaratilgan qulay sharoitlar uchun Turkiya rahbariyati nomidan minnatdorlik bildirdi va keng ko‘lamli o‘zaro hamkorlikni yanada rivojlantirishga tayyor ekanini ta’kidladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo
Top News
-
“Qaror chiqqan kundan to‘lovni boshlayman” – Munira Kariyeva tovon pulini qoplab berish borasida so‘zida turishini ma’lum qildi.
14 iyun kuni “Dok-1 Maks” ishi bo‘yicha davom etgan apellyatsiya sudida Sardor Kariyevning onasi Munira Kariyeva shaxsan ishtirok etib,...
-
O‘zbekiston va Janubiy Koreya rahbarlari Toshkentdagi muzokaralar yakunlarini yuqori baholadi.
O‘zbekiston prezidenti Shavkat Mirziyoyev va Janubiy Koreya prezidenti Yun Sok Yol ommaviy axborot vositalari vakillari uchun bayonot berdi. .
-
Toshkent va Dehli o‘rtasida parvozlar soni oshiriladi.
Avgust oyidan O‘zbekiston poytaxti va Hindiston poytaxti o‘rtasida har kuni parvoz qilish mumkin bo‘ladi. .
-
“Prezident zamonaviyroq va dunyoga yanada bog‘langan davlat qurmoqchi” – AQSh Savdo vakili.
11-12 iyun kunlari AQSh Savdo vakili Ketrin Tay O‘zbekistonda bo‘lib, qator rasmiylar, xususan, prezident Shavkat Mirziyoyev bilan ham uchrashdi....
-
Спалетти: "Қаҳрамонлар футболдан қўрқмайдилар"
Италия терма жамоаси бош мураббийи Луцано Спалетти Европа чемпионати олдидан жамоаси ортиқча босим остида эмаслигини айтди.
-
Тен Хаг ва унинг яна бир шогирди ўртасида муносабатлар яхши эмас
Эрик тен Хаг Антонининг жорий мавсумдаги ўйинини қаттиқ танқид қилди.