Angliya sharqida AQSh qiruvchi samolyoti qulashi oqibatida bir kishi halok bo‘ldi

Angliya sharqida AQShning F-18 Hornet qiruvchi samolyoti qulashi natijasida uchuvchi halok bo‘ldi. Bu haqda “TASS” xabar bermoqda .

Foto: “TASS”

Dastlabki ma’lumotlarga ko‘ra, bir o‘rinli qiruvchi samolyot Suffolk grafligidagi Leykenxes harbiy bazasidan havoga ko‘tarilgan. Parvozning dastlabki daqiqalaridayoq boshqaruv izdan chiqib, samolyot harbiy bazadan 10 kilometr masofada joylashgan Eli qishlog‘idagi fermaga qulagan.
Hodisa natijasida uchuvchining halok bo‘lganini Suffolk bilan chegaradosh Kembrijshir grafligi politsiyasi tasdiqlagan. Samolyot aynan shu graflik hududiga qulagan.
BBC News xabariga ko‘ra, samolyot AQSh harbiy-havo kuchlari tarkibiga kiruvchi AQSh dengiz piyodasining aviaguruhi tarkibida Buyuk Britaniyaga kelgan. Samolyotlar AQShning Yaqin Sharqdagi missiyasida qatnashgan va AQShga qaytish vaqtida Angliyadagi aviabazada to‘xtagan. Baza Buyuk Britaniya harbiy-havo kuchlariga tegishli, biroq unda Amerika samolyotlari va harbiylari joylashgan.
2014-yilning yanvar oyida Suffolk grafligi bilan chegaradosh Norfolk grafligida AQSh harbiy vertolyotining qulashi oqibatida to‘rt kishi halok bo‘lgandi.
Batafsil | Подробно | Read more... Daryo