MDU ilmiy ishlar Rossiya federal xavfsizlik xizmati bilan kelishgan holda yozilishi kerakligi haqidagi axborotni rad etdi

Moskva davlat universiteti (MDU)da ilmiy-tadqiqot ishlari uchun mas’ul bo‘lgan prorektor Andrey Fedyanin barcha ilmiy ishlar Federal xavfsizlik xizmati bilan kelishib olinishi kerakligi haqidagi axborotni rad etdi. Bu haqda Meduza xabar bermoqda .

Foto: Flickr

Fedyaninning so‘zlariga ko‘ra, olimlarning ilmiy ishlari oliy ta’lim muassasasi xodimlaridan tashkil topgan ekspert komissiyalari tomonidan tekshirib chiqiladi, xolos.
“Hech qanday yangi qoidalar joriy etilmaydi”, — dedi Fedyanin. Uning qayd etishicha, ekspert komissiyasi tomonidan tekshirish amaliyoti bir necha o‘n yillardan beri mavjud.
20-oktabr kuni Nature jurnali MDUning Fizik-kimyoviy biologiya instituti xodimlari endi barcha ilmiy ishlarini FXX xodimlariga ko‘rsatishlari, shuningdek, anjumanlardagi chiqishlarini maxsus xizmat xodimlari bilan kelishib olishlari kerakligi haqida yozib chiqdi.
Jurnalning mazkur axborotini Rossiya Fanlar akademiyasining Axborot uzatish muammolari instituti direktori o‘rinbosari Mixail Gelfand va Geografiya instituti xodimi Vyacheslav Shuper tasdiqlagan.
Batafsil | Подробно | Read more... Daryo