Bitta umumiy kamchilikka ega bo‘lgan 10 ta milliarder (fotogalereya)

Barchamiz ta’lim olish omadning asosiy kaliti va boylik yo‘lidagi birinchi qadam deb hisoblashga ko‘nikib qolganmiz. Biroq ba’zan amaliy ko‘nikmalar va o‘z vaqtida “to‘lqinni tutish” diplomdan ko‘ra ko‘proq ahamiyatga ega.
AdMe ma’lumotining yo‘qligi milliardlab dollar topishga to‘sqinlik qilmagan kishilar haqida hikoya qiladi .
Richard Brenson
Ma’lumoti: tugallanmagan o‘rta maktab

Foto: AdMe

Virgin kompaniyasining bo‘lajak asoschisi maktabda qiyinchilik bilan ta’lim olgan va 16 yoshida o‘qishni tashlab, Londonga yo‘l olgan. Uning birinchi biznes loyihasi jurnal bo‘lsa, 17 yoshida Brenson ilk xayriya tashkilotiga asos solgan. Hozirda u nafaqat ovoz yozish studiyasi, balki butun boshli aviakompaniyaning sohibidir.
Ingvar Kamprad
Ma’lumoti: o‘rta maktab

Foto: AdMe

IKEA nomi bilan butun dunyoda mashhur kompaniyaga Ingvar Kamprad 17 yoshida asos solgan.
Genri Ford
Ma’lumoti: o‘rta maktab

Foto: AdMe

Cherkov maktabida ta’lim olish yosh Genri Fordni unchalik qiziqtira olmadi — uning yagona qiziqishi turli-tuman mexanizmlar edi. Genri 16 yoshida uyidan qochib ketib, Detroytga yo‘l oldi va u yerda mexanik yordamchisi bo‘lib ishga joylashdi.
Maykl Dell
Ma’lumoti: universitetning 1 kursi

Foto: AdMe

DELL kompaniyasining asoschisi Maykl Dell mahalliy gazetaga obunani sotib, o‘zining birinchi pullarini 12 yoshida ishlab topdi. Dell o‘qish davomida o‘zining birinchi kompyuter kompaniyasi PC’s Limited’ga asos soldi va 19 yoshida universitetni tashlab ketdi.
Li Kashin
Ma’lumoti: tugallanmagan o‘rta maktab

Foto: AdMe

Dunyoning eng boy odamlaridan biri Li Kashin 12 yoshida maktabni tashlab, plastmassadan gullar chiqaradigan zavodga ishga joylashishga majbur bo‘lgan. 22 yoshida u Cheung Kong kompaniyasiga asos soldi.
Bill Geyts
Ma’lumoti: universitetning 2 kursi

Foto: AdMe

Bill Geyts Garvard universiteti diplomiga ega, biroq uni 2007-yilda OTM ma’muriyati uning barcha xizmatlarini hisobga olib taqdim etishga qaror qilgan. Aslida esa Geyts Garvardda bor-yo‘g‘i ikki yil o‘qigan, keyin esa o‘quvchilar safidan chiqarilgan.
Larri Ellison
Ma’lumoti: universitetning 2 kursi

Foto: AdMe

Dasturiy ta’minot yaratish bo‘yicha dunyoda ikkinchi o‘rinda turuvchi Oracle kompaniyasining asoschilaridan biri ikki marta oliy ma’lumotli bo‘lishga uringan. Biroq Illinoys universitetida ikki yil, Chikagoda bir semester o‘qigan xolos.
Jon Rokfeller
Ma’lumoti: 3 oylik buxgalterlik kursi

Foto: AdMe

Insoniyat tarixidagi eng boy odamlardan biri Jon Rokfeller birinchi dollarini yetti yoshida ishlagan. 13 yoshida esa tanishlariga foizga pul bera boshlagan. Maktabni tugatgandan so‘ng Jon kollejga o‘qishga kirgan, biroq tezda uni tashlab ketgan.
Amansio Ortega
Ma’lumoti: tugallanmagan o‘rta maktab

Foto: AdMe

Zara brendining asoschisi va egasi Amansio Ortega 13 yoshida maktabni tashlab, kiyim-kechak do‘konida eltuvchi bo‘lib ishlay boshlagan. Ortega o‘zining birinchi do‘konini 1975-yilda ochgan. Bugungi kunda Zara brendiga qarashli bo‘lgan Inditez kompaniyasi butun dunyoda faoliyat yuritadi.
Mark Sukerberg
Ma’lumoti: universitetning 2 kursi

Foto: AdMe

Mazkur ro‘yxatdagi eng yosh milliarder Mark Sukerberg Garvard universitetining talabalari safida qayd etilsa-da, ijtimoiy tarmoq yaratishga berilib ketib, diplom olmagan. Sukerberg ruhshunoslik yo‘nalishida ta’lim olgan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo