Misrda nasroniylarni olib ketayotgan avtobuslarga uyushtirilgan hujum oqibatida 26 kishi halok bo‘ldi

Misrning Minya viloyatida nasroniy-koptlarni olib ketayotgan ikki avtobusga uyushtirilgan qurolli hujum natijasida 26 kishi halok bo‘ldi, deya xabar bermoqda “TASS”.

Kadr: Al Arabiya

Avtobusdagi yo‘lovchilar Misrning Minya viloyatida joylashgan avliyo Samuil monastiridan qaytayotgan ziyoratchilar bo‘lgan. Ba’zi agentliklar qurbonlar soni 35 kishiga yetgani haqida xabar bermoqda.
Halok bo‘lganlarning aksariyati — bolalardir. Misr kopt cherkovi vakillari bergan axborotga ko‘ra, birinchi avtobusda 40 nafar bola bo‘lgan, ikkinchi avtobus esa kattalarni olib ketayotgan edi.
Guvohlarning so‘zlariga ko‘ra, harbiycha kiyingan va yuziga niqob taqqan kamida 10 nafar jangari yo‘ltanlamas mashinalarda kelib, avtobuslarni o‘qqa tutgan. Hozirgi vaqtda politsiya jangarilarni qo‘lga olish bo‘yicha ish olib bormoqda.
“Interfaks”ning qayd etishicha , hozircha mazkur hodisa uchun javobgarlikni hech bir tashkilot o‘z zimmasiga olgani yo‘q.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo