“Arsenal” — “Chelsi”. Bugun London klublari Angliya kubogi sohibi nomiga oydinlik kiritadi

Bugun — 27-may kuni Toshkent vaqti bilan 21:30 da Angliya kubogining final uchrashuvi bo‘lib o‘tadi va uning doirasida Londonning ikki klubi — “Arsenal” hamda “Chelsi” maydonga chiqib keladi.

Foto: Fatsoma

“Chelsi” APL chempionligini qo‘lga kiritishga muvaffaq bo‘ldi. Antonio Konte shogirdlari kelasi mavsum Yevropa Chempionlar ligasida ishtirok etadi. Uning qatorida vitse-chempion “Tottenhem”, chempionatni kuchli to‘rtlikda yakunlagan “Manchester Siti” hamda “Liverpul”, shuningdek, Yevropa ligasida muvaffaqiyat qozongan “Manchester Yunayted” ham Chempionlar ligasida to‘p suradi.
Mazkur jamoalar orasiga faqatgina “Arsenal” futbolchilari kira olmadi. Mavsum davomida birorta sovrin yuta olmagan “to‘pchilar” kelasi mavsumni Yevropa ligasida o‘tkazadi. Bugun Arsen Venger jamoasida mavsumni sovrin bilan yakunlash uchun so‘nggi imkoniyat bo‘ladi.
Ma’lumot uchun, Angliya liga kubogida zafar quchgan “Manchester Yunayted” futbolchilari, mamlakat kubogining chorak finalidan o‘ta olmagandi. “Chelsi” finalga qadar “Piterboro” (4:1), “Brenford” (4:0), “Vulverhempton” (2:0), “Manchester Yunayted” (1:0), “Tottenhem” (4:2) klublarini ortda qoldirishga muvaffaq bo‘ldi. “Arsenal” esa “Preston” (2:1), “Sautgempton” (5:0), “Satton Yunayted” (2:0), “Linkoln” (5:0), “Manchester Siti” (2:1) kabi klublari dovonidan o‘ta oldi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo