Shavkat Mirziyoyev Toshkent halqa temiryo‘li loyihasini tasdiqladi

O‘zbekiston Prezidenti Shavkat Mirziyoyev Toshkentda ikki izli elektrlashtirilgan tezyurar halqa temiryo‘lini qurish loyihasini amalga oshirish chora-tadbirlarini 19-may kuni tasdiqladi. Hujjat matni Prezident matbuot xizmati tomonidan e’lon qilindi, deya xabar bermoqda “Gazeta.uz”.

Mavzuga doir: Shavkat Mirziyoyev Toshkent halqa yo‘lidagi elektrichka loyihasi bilan tanishdi

2017—2021-yillarga mo‘ljallangan loyiha doirasida temiryo‘l bosqichma-bosqich quriladi, shu bilan birga, yo‘lovchi tashuvchi elektropoyezdlar sotib olinadi. Loyiha qiymati 320,1 million AQSh dollariga teng.
Loyihaga Xitoy Eksimbankining 115 million dollargacha bo‘lgan miqdordagi qarz mablag‘lari jalb etilishi ko‘zda tutilgan. Mazkur mablag‘larga, jumladan, yo‘lovchi elektropoyezdlarini sotib olish rejalashtirilgan.



“O‘zbekiston temir yo‘llari” kompaniyasi 2018-yil 1-oktabriga qadar loyihaning texnik-iqtisodiy asosini Vazirlar Mahkamasiga tasdiqlash uchun taqdim etishi zarur.

Mavzuga doir: Video: Toshkent shahrida quriladigan halqa temir yo‘li loyihasi

Prezident qaroriga asosan, Toshkent shahrida halqa temiryo‘lini loyihalashtirish va qurish bo‘yicha bosh vazir birinchi o‘rinbosari Ochilboy Ramatov boshchiligida ishchi guruh tashkil etilgan.
Ishchi guruh oldiga Toshkent shahar yo‘lovchi tashish transportini rivojlantirish bo‘yicha konsepsiya loyihasini 2018-yil 1-yanvarga qadar hukumatga taqdim etish vazifasi qo‘yilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo