Аввал хабар берганимиздек, Самарқанд шаҳрида 28 август куни «Шарқ тароналари» Х халқаро мусиқа фестивалининг тантанали очилиш маросими бўлиб ўтди. Унда Ўзбекистон Республикаси Президенти Ислом Каримов сўзга чиқди. Президентнинг нутқи ЎзА хабарида келтирилди .
Фото: ЎзА
«Авваламбор, қарийб уч минг йиллик тарих ва маданиятга эга бўлган, қадимий ва гўзал Самарқанд шаҳрида, не-не буюк воқеалар гувоҳи бўлмиш мана шу муаззам ва улуғвор Регистон майдонида сиз, азизларни – ‘Шарқ тароналари’ халқаро мусиқа фестивали қатнашчиларини чин қалбимдан муборакбод этишга, Самарқанд аҳли номидан, бутун халқимиз номидан ‘Хуш келибсиз Ўзбекистонга, хуш келибсиз Самарқандга!’ деб, қизғин салом ва эзгу тилакларимизни етказишга ижозат бергайсиз», — деб бошлади нутқини президент.
Ислом Каримов фестивалда иштирок этаётган фахрий меҳмонлар – ЮНЕСКО Бош директорининг ўринбосари Эрик Фалт, Халқаро фольклор ижодиёти ташкилотининг Осиё минтақаси бўйича Бош котиби Мун Хюнг Сук, Япониянинг «Мин-он» мусиқа уюшмаси президенти Хироясу Кобаяши жанобларига, бугунги маросимда ҳозир бўлган дипломатик корпус вакилларига самимий эҳтиромини билдирди.
«Биз бу йил ‘Шарқ тароналари’ халқаро мусиқа фестивалининг ўнинчи – ўзига хос юбилей анжуманини ўтказмоқдамиз. Фестивалга асос солинган 1997 йилдан буён иштирокчи мамлакатлар жўғрофияси кенгайиб, уларнинг сони икки баробардан зиёд кўпайиб, 31 тадан 66 тага етганининг ўзи, ўйлайманки, кўп нарсадан далолат беради», — дея таъкидлади президент.
Давлат раҳбари Америка Қўшма Штатларида чоп этиладиган нуфузли нашрлардан бири яқинда Самарқанд шаҳрини «Дунёнинг албатта бориб кўриш керак бўлган элликта шаҳри» рўйхатига киритганини эслатиб ўтди.
«Шу юксак минбардан туриб, барчангизга яна бир бор ўзимнинг чуқур ҳурмат ва эҳтиромимни билдириб, сизларга сиҳат-саломатлик, бахт ва омад, фестиваль ишига муваффақият тилайман», — дея нутқига якун ясади Ислом Каримов.
Batafsil | Подробно | Read more... Daryo
Top News
-
Qirg‘iziston parlamenti oiladagi zo‘ravonlik uchun jazoni kuchaytirishga qarshi chiqdi.
Deputatlar qirg‘iz mentalitetini unutmaslikka chaqirib, qonun loyihasini qaytarib yuborishdi..
-
Контенинг "Наполи" билан шартномасидаги бир банд ойдинлашди
Антонио Конте "Наполи" билан шартнома имзолашга яқин турибди.
-
"МЮ" ва "Атлетико" ўзаро футболчи алмашиши мумкин
Мадриднинг “Атлетико” ва “Манчестер Юнайтед” клублари ёзги трансфер ойнасида футболчи алмашиши мумкин, деб хабар бермоқда...
-
Milliy mass-mediani qo‘llab-quvvatlash fondiga yangi rahbar tayinlandi.
Jurnalistika va kommunikatsiya sohasida tajribaga ega Jahongir Azimov Mass-media fondi direktori etib tayinlandi. .
-
О дополнительных мерах по обеспечению эффективности экспертного содействия при реализации структурных реформ
Постановление Президента Республики Узбекистан №ПП-198. Дата принятия 29.05.2024. Дата вступления в силу 30.05.2024
-
Yuridik shaxslar uchun elektr va gaz iste’moliga oshuvchi koeffitsiyent joriy etilishi mumkin .
Yuridik shaxslar uchun belgilangan limitning 10 foizidan ortig‘i miqdorida gaz yoki elektr energiyasi iste’moli uchun oshuvchi koeffitsiyentlar...