AQShda o‘lim jazosi oxirgi 25 yil ichida 7 marta ko‘chirilgan 75 yoshli mahbus qatl etildi

AQShda o‘lim jazosining ijrosi oxirgi 25 yil ichida yetti marta ko‘chirilgan 75 yoshli qotil Tommi Archer qatl etildi. Bu haqda CNN telekanali xabar berdi, deb yozadi “Vesti.ru”.

Foto: CNN

Archer Etmor shahridagi “Xolmen” qamoqxonasida 25-may kuni kechqurun o‘lim inyeksiyasi yordamida qatl etildi. Alabama shtati gubernatori jinoyatchi advokatlarining qatl etishni navbatdagi keyinga qoldirish haqidagi iltimosini qanoatlantirishni rad etdi. Himoyachilar uning ishi bo‘yicha qo‘shimcha DNK tahlilini talab qilgan edi.
Archer 1982-yilda ma’shuqasi Judi Vikerning iltimosiga ko‘ra uning eri Troy Vikerni o‘ldirgani uchun o‘lim jazosiga hukm qilingan edi. Dastlab uyiga noma’lum jinoyatchi bostirib kirganligini ta’kidlagan ayol keyinroq tergov bilan hamkorlik qilib, erining o‘limi uchun sug‘urta puli olish uchun Archerga o‘n ming dollar to‘laganligini tan olgan.
Archerga nisbatan yakuniy hukm 1991-yilda chiqarilganligiga qaramasdan, u hukm ijrosini jami yetti marta ortga surishga erishgan. Bunga inyeksiya yo‘li bilan qatl etish yuragidagi muammolar tufayli unga qo‘shimcha azob berishini ro‘kach qilgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo