Shavkat Mirziyoyev Xitoy bilan erishilgan kelishuvlarni amalga oshirish bo‘yicha “Yo‘l xaritalari”ni tasdiqladi

Shavkat Mirziyoyev “O‘zbekiston Respublikasi va Xitoy Xalq Respublikasi o‘rtasidagi har tomonlama strategik sheriklikni yanada kengaytirishga qaratilgan choralar to‘g‘risida”gi qarorni imzoladi. Bu haqda Norma xabar bermoqda .

Foto: Eurasia News

Qayd etilganidek, 11—13-may kuni Xitoyga amalga oshirilgan oliy darajadagi davlat tashrifi davomida 11 ta hukumatlararo va muassasalararo hujjatlar imzolandi, savdo-iqtisodiy sohada umumiy summasi 22,8 milliard dollar bo‘lgan korporativ kelishuvlar imzolandi.
Qarorga muvofiq, ularning o‘z vaqtida va so‘zsiz amalga oshirilishi yuzasidan doimiy va qat’iy monitoring o‘rnatilgan.
Xususan, ikki davlat yetakchilari imzolagan hujjatlar, siyosiy, savdo-iqtisodiy, investitsiyaviy, moliyaviy, transport-kommunikatsiya va madaniy-gumanitar hamkorlikni yanada kengaytirish yuzasidan erishilgan kelishuvlarni amalga oshirish bo‘yicha harakatlar rejalari (“Yo‘l xaritalari”) tasdiqlangan.
Kelishuvlarning o‘z vaqtida va so‘zsiz amalga oshirilishini maxsus tashkil etilgan Ishchi komissiya nazorat qilib boradi. Mazkur komissiya “Yo‘l xaritalari”ni bajarish bo‘yicha ko‘rilgan amaliy choralar yuzasidan mas’ul ijrochilar — vazirlik, muassasa va tashkilotlar rahbarlarining hisobotlarini muntazam ravishda eshitib boradi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo