Ruslan Chagayev rossiyalik bolalar uchun master-klass o‘tkazdi

Jahon boks assotsiatsiyasi versiyasi bo‘yicha super og‘ir vazndagi jahon chempioni o‘zbekistonlik Ruslan Chagayev Moskva viloyatidagi Mendeleyevo shaharchasidagi “Gyurza” boks klubi tarbiyalanuvchilari uchun master-klass o‘tkazdi. Bu haqda “NTV-Plyus” matbuot kotibi Aleksey Proxorov “Daryo”ga ma’lum qildi.

Foto: Mendeleyevo shaharchasi matbuot xizmati

Master-klassga boks bo‘yicha rossiyalik jahon chempioni Zulfiya Kutdyusova ham tashrif buyurdi.

Foto: Mendeleyevo shaharchasi matbuot xizmati

Ruslan Chagayev yosh bokschilarga himoya va hujumning bir nechta usulini namoyish qildi. Shundan so‘ng dastxatlar taqdim etdi va uchrashuv ishtirokchilari bilan esdalik uchun suratga tushdi.



“Bolalar bilan muloqot qilish va ularning boks bilan shug‘ullanishga bo‘lgan intilishini ko‘rish men uchun yoqimli bo‘ldi. Sport bolalari — bu bizning kelajagimiz! Do‘stlar vaqtingizni yo‘qotmang, sport bilan shug‘ullaning!”, — deb yozadi Ruslan Chagayev o‘zining Instagram’dagi sahifasida.
Batafsil | Подробно | Read more... Daryo