Putin Argentina mahsulotlaridan yaxshi tushlik qilish imkoniyati tug‘ilishidan xursand ekanligini bildirdi

Rossiya prezidenti Vladimir Putin Argentina prezidenti Kristina Kirshner bilan teleko‘prik orqali muloqot chog‘ida ikki tomonlama hamkorlik tufayli ushbu mamlakat mahsulotlaridan “yaxshigina tushlik” qilish imkoniyati tug‘ilishidan mamnun ekanligini ma’lum qildi. Bu haqda “Gazeta.ru” xabar bermoqda .

Foto: “TASS”

Argentinadan Rossiyaga qishloq xo‘jaligi mahsulotlari yetkazib berish hajmi muntazam ravishda oshib borayotganligini qayd etgan Putin mazkur mamlakat fermerlari va kompaniyalari uchun qulay imkoniyatlar yaratilishini ta’kidlagan.
O‘z navbatida Kirshner ham Putinga Kremldagi mazali tushlik uchun minnatdorchilik bildirgan. “Men Kremlda bo‘lganimda tortilgan tushlikning ta’mini hali beri yoddan chiqarmasam kerak”, — deya mutoyiba qilgan Argentina rahbari.
Eslatib o‘tamiz, ikki mamlakat o‘rtasida diplomatik aloqalar o‘rnatilganligining 130 yilligiga bag‘ishlangan videokonferensiya davomida Putin Argentina prezidentining raqsini maqtagandi .
Batafsil | Подробно | Read more... Daryo