Turkiyada qo‘lga olingan fransuz jurnalisti Matias Depardon ochlikni to‘xtatdi

Turkiyada qo‘lga olingan fransuz jurnalisti Matias Depardon bir necha kun davom etgan ochlikni to‘xtatdi. Bu haqda “Chegara bilmas reportyorlar” tashkiloti bosh kotibi Kristof Deluar ma’lum qildi, deya xabar beradi “TASS”.

Matias Depardon. Foto: AFP

“Turkiyada ushlangan fransuz fotografi Matias Depardon diplomatga uni ko‘rishga ruxsat berishlarini bilganidan so‘ng ochlikni to‘xtatdi. U bilan yaxshi muomala qilinmoqda”, — deya yozuv qoldirdi Deluar Twitter’dagi sahifasida. 
National Geographic jurnali topshirig‘iga binoan suratga olishga jo‘nagan Matias Depardon Turkiya janubi—sharqidagi Batman viloyatining Hasankayf tumanida qo‘lga olindi. Kurdiston Ishchi partiyasi faoliyati targ‘ibotida ayblangan Depardon 23-may kuni ochlik e’lon qildi. 
Turkiya prezidenti Rajab Toyyib Erdo‘g‘on oldinroq fransiyalik hamkasbi Emmanuel Makronga Depardon bilan bog‘liq vaziyatni ko‘rib chiqishga va’da bergandi. 
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo