ATKR vaziri o‘rinbosari Umidjon A’lamov “O‘zarxiv” agentligiga rahbar bo‘ldi

Umidjon A’lamov O‘zbekiston Prezidentining 26-maydagi qarori bilan “O‘zarxiv” agentligi bosh direktori etib tayinlandi. Bu haqda hukumatdagi axborot manbasiga tayanib, “Gazeta.uz” xabar berdi .

Foto: “Gazeta.uz”

Umidjon A’lamov bunga qadar — 2015-yildan — axborot texnologiyalari va kommunikatsiyalarini rivojlantirish vaziri o‘rinbosari lavozimida faoliyat ko‘rsatgan.
1975-yilda tug‘ilgan A’lamov Toshkent elektrotexnika institutini tamomlagan. 1996-yildan 2003-yilgacha Ilmiy-texnik va marketing tadqiqotlari markazida muhandis va bo‘lim boshlig‘i bo‘lib ishlagan.
2003—2006-yillarda Umidjon A’lamov O‘zbekiston Aloqa va axborotlashtirish agentligi hamda BMT Taraqqiyot dasturining hamkorlikdagi “Raqamli taraqqiyot tashabbusi” loyihasida menejer bo‘lib ishlagan. 2006-yilda Huawei Technologies telekommunikatsiya kompaniyasida ham menejer bo‘lgan.
2007-yilda O‘zbekiston Aloqa va axborotlashtirish agentligida bo‘lim boshlig‘i sifatida faoliyat ko‘rsatgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo