Dominikada Braziliyaning Odebrecht kompaniyasi bilan bog‘liq korrupsiyaviy mojaro doirasida 11 nafar mansabdor qo‘lga olindi

Dominika Respublikasida Braziliyaning Odebrecht qurilish kompaniyasi bilan bog‘liq korrupsiyaviy mojaro doirasida 11 nafar mansabdor qo‘lga olindi. Bu haqda mamlakat bosh prokurori Jan-Alen Rodriges ma’lum qildi, deya xabar beradi “TASS”.

Foto: Globo

Qo‘lga olinganlar orasida sanoat va savdo vaziri Temistokles Montas (u iste’fo berishga ham ulgurdi), sobiq jamoat ishlari va aloqa vaziri Viktor Dias-Rua va davlat kompaniyalarining bir necha sobiq direktori bor. Ular mablag‘lardan noqonuniy foydalanish, pora berish va soxta moliyaviy hujjatlar taqdim etishda ayblanmoqda.
3 nafar deputat ham ushbu korrupsiyaviy mojaroga aloqadorlikda ayblanmoqda. Bosh prokuror ularni parlament immunitetidan mahrum etishni talab qildi.
Ma’lumot uchun, Odebrecht ishi bo‘yicha oldinroq Braziliya, Kolumbiya. Panama va Peruda yuqori martabali amaldorlarga yuzlab ayblovlar e’lon qilingandi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo