Sud “U sizga Dimon emas” filmini o‘chirish haqida qaror chiqardi. Alisher Usmonovning matbuot xizmati esa boshqacha fikrda

Moskvaning Lyublinskiy tuman sudi 31-may kuni biznesmen Alisher Usmonovning muxolifatchi Aleksey Navalniyga nisbatan da’vosi bo‘yicha hukm chiqardi, deb yozadi Meduza.

Foto: Meduza

Usmonov uni yomon otli qiladigan materiallarni o‘chirishni talab qilgan edi. Xususan, milliarder Navalniy uni go‘yoki bosh vazir Dmitriy Medvedevga pora berganlikda ayblaganidan norozi edi — bu haqda “U sizga Dimon emas” filmida so‘z borgan edi.
Ko‘pchilik OAVlar sud Alisher Usmonovning obro‘siga putur yetkazgan videoroliklar va maqolalarni o‘chirib tashlash haqida qaror chiqarganini ma’lum qildi. Navalniyga butun filmni o‘n kun muddat ichida o‘chirib tashlash yuklatildi.
Alisher Usmonovning matbuot xizmati esa sud qarorini boshqacha tushundi. Biznesmen vakillarining Meduza nashriga yuborilgan xatida da’vogarning talabi va sud qarori bilan javobgar butun filmni emas, uning Usmonov obro‘sini to‘kadigan qismlarini o‘chirishga majburligi aytiladi. Nashr ta’kidlashicha, Usmonovning da’vosida haqiqatan ham butun filmni emas, uning ma’lum bir parchalarini o‘chirish haqida gap borgan.
Navalniyning advokati sud qarorida aynan “Usmonovning obro‘sini tushiradigan parchalarni o‘chirish” degan jumladan foydalanilishi mumkinligini aytdi. Uning aniqlik kiritishicha, sud qaror matni va sud zalida yangragan qaror o‘rtasida farqlar bo‘lishiga yo‘l qo‘ymaydi, ammo amaliyotda shunaqasi ham kuzatilgan.
Navalniy “U sizga Dimon emas” filmini o‘chirishdan bosh tortdi va sud qarori bekor qilinishiga erishishga va’da berdi. Advokat Jdanovning so‘zlariga ko‘ra, hukm matni va sudya e’lon qilgan qaror o‘rtasida farq borligi tasdiqlansa, bu “qaror bekor qilinishi uchun yana bir asos bo‘la oladi”.
Sud qaror matnini tomonlarga besh ish kuni ichida yuboradi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo