Toshkentda O‘zbekiston – Fransiya biznes-forumi bo‘lib o‘tdi

Toshkent shahridagi Xalqaro hamkorlik markazida 1-iyun kuni O‘zbekiston – Fransiya biznes-forumi bo‘lib o‘tdi. Bu haqda O‘zA xabar bermoqda .

Foto: UzReport

Tadbirda ikki mamlakatning sarmoya, savdo, iqtisodiyot, bank-moliya, energetika, axborot texnologiyalari, qishloq va suv xo‘jaligi, geologiya, ekologiya, atrof-muhit muhofazasi, transport va kommunikatsiyalar, logistika, aviasozlik, qurilish kabi sohalar uchun mas’ul vazirlik va idoralari, firma va kompaniyalari rahbarlari ishtirok etdi.
O‘zbekiston Respublikasi Investitsiyalar bo‘yicha davlat qo‘mitasi raisi Azim Ahmadxo‘jayev, Fransiya elchisi Violen de Vilmor va boshqalar tadbirda ishtirok etdi.
Biznes-forumda fransiyalik ishbilarmonlarga mamlakatning investitsiyaviy va iqtisodiy sohalarida amalga oshirilayotgan keng ko‘lamli islohotlar, xorijiy sarmoyadorlar uchun yaratilgan imkoniyatlar haqida ma’lumot berildi. O‘zbekiston Respublikasi Prezidenti Shavkat Mirziyoyevning 2017-yil 31-martdagi farmoni bilan Investitsiyalar bo‘yicha davlat qo‘mitasi tashkil qilingani iqtisodiyotning barcha tarmoqlariga investitsiya kiritish hajmini yanada kengaytirishga, sarmoyaviy muhitni takomillashtirishga, xorijiy davlatlar, xalqaro moliya institutlari, yetakchi xorijiy kompaniya va bank tuzilmalari bilan investitsiya sohasidagi hamkorlikni faollashtirishga xizmat qilishi qayd etildi.
Ikki mamlakat ishbilarmonlari biznes-forum doirasidagi davra suhbatlarida atrof-muhit, suv resurslari va munitsipal xizmatlar, axborot texnologiyalari va kommunikatsiyalar, transport va logistika, sanoat, energetika hamda qishloq xo‘jaligi kabi sohalarga oid hamkorlikni yanada rivojlantirish, mavjud imkoniyatlardan kengroq foydalanish masalalarini atroflicha muhokama qildi. O‘zaro manfaatli yangi loyihalarni amalga oshirish yuzasidan kelishib olindi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
Batafsil | Подробно | Read more... Daryo