Ichki ishlar idoralari xodimlarining bir guruhi orden va medallar bilan taqdirlandi

2015-yil 22-oktabr kuni O‘zbekiston Respublikasi Prezidenti Islom Karimov O‘zbekiston Respublikasi Ichki ishlar idoralari xodimlari kuni munosabati bilan bir guruh xodimlarni mukofotlash to‘g‘risida farmonni imzoladi. Farmon matni O‘zAda e’lon qilindi .

Foto: UzReport

Farmonga muvofiq O‘zbekistonda jamoat xavfsizligi, tinchlik va barqarorlikni ta’minlash borasidagi ko‘p yillik fidokorona mehnati, xizmat burchini bajarish va milliy manfaatlarni himoya qilishda mardlik va jasorat ko‘rsatgani hamda yosh avlodni ona Vatanga sadoqat ruhida tarbiyalashga qo‘shgan munosib hissasi uchun Ichki ishlar idoralarining bir guruh xodimlari quyidagi mukofotlar bilan taqdirlandi:

“Mehnat shuhrati” ordeni;
II darajali “Shon-sharaf” ordeni;
“Do‘stlik” ordeni;
“Mardlik” ordeni;
“Jasorat” medali;
“Sodiq xizmatlari uchun” medali;
“Shuhrat” medali.

“Jasorat” medalini olganlardan biri Xorazm viloyati Urganch shahar ichki ishlar bo‘limi harbiylashtirilgan yong‘in xavfsizligi qismi yong‘in o‘chiruvchisi Yaqubov Dilshod Ilyosovich o‘limidan so‘ng mukofot bilan taqdirlandi.
Batafsil | Подробно | Read more... Daryo